وليمپيادا الاۋى توكيوعا اتتاندى

None
None
افينا. قازاقپارات - گرەكيا وليمپيادا الاۋىن جاپونياعا تابىس ەتتى. سالتاناتتى ءراسىم افيناداعى ستاديوندا ءوتتى، دەپ حابارلايدى Olympic.kz.

الەمدە كوروناۆيرۋستىڭ قارقىن الۋىنا بايلانىستى الاۋدى تابىستاۋ ءراسىمى كورەرمەنسىز ءوتتى. الاۋ ەستافەتاسىندا وليمپيادا چەمپيوندارى كاتەرينا ستەفانيدي مەن لەفتەريس پەترۋنيس قاتىسقان. وكىنىشكە قاراي، الاۋدى قابىلداۋ راسىمىنە جاپونيالىق سپورتشىلار كەلە العان جوق. ولار ۆيدەوحابارلاما جىبەردى. ۇيىمداستىرۋشىلار تەاترلاندىرىلعان قويىلىمدى دا كورسەتكەن جوق. رەسمي دەرەك بويىنشا، گرەكيا وليمپيادا كوميتەتىنىڭ پرەزيدەنتى مەن ح و ك مۇشەسى سپيروس كاپرالوس الاۋدى توكيو-2020 ۇيىمداستىرۋ كوميتەتىنىڭ جەتەكشىسى ناوكو يموتوعا ۇسىنعان. ەندى وليمپيادا الاۋى توكيونى شارلايدى.

سوڭعى جاڭالىقتار