ش ق و-دان رەسەي مەن قىتايعا پويىز جانە اۆتوبۋس ۋاقىتشا قاتىنامايدى

وسكەمەن. قازاقپارات - ەلىمىزدە جاريالانعان توتەنشە جاعدايعا بايلانىستى شىعىس قازاقستان وبلىسىنان رەسەي مەن قىتايعا قاتىنايتىن اۆتوبۋستار مەن پويىزدار ۋاقىتشا توقتاتىلدى، دەپ حابارلايدى قازاقپارات.

بۇل تۋرالى ش ق و ايماقتىق كومۋنيكاتسيالار قىزمەتىندە وتكەن باسپا ءسوز بريفينگىندە وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى نۇرجان ءجۇمادىلوۆ ايتتى. «وسكەمەن- ماسكەۋ»، «وسكەمەن- نوۆوسىبىر»، «تاشكەنت- نوۆو ءسىبىر»، «الماتى- نوۆو ءسىبىر»، «بىشكەك- نوۆو ءسىبىر «، «تومسك- ريددەر» باعىتتارىنداعى جولاۋشىلار قاتىناسى توقتاتىلادى. سونداي-اق «S7» اۆياكومپانياسىنىڭ مالىمەتىنشە، وسى جىلدىڭ 31-مامىرىنا دەيىن اۋە رەيستەرىنە ۋاقىتشا شەكتەۋ قويىلعان. ال بيلەت الىپ قويعان جولاۋشىلارعا اقشالارى قايتارىلىپ بەرىلەدى»، - دەدى ول.

ايتا كەتەيىك، شىعىس قازاقستانداعى 4 اۋەجاي، 21 تەمىرجول ستانساسى، ءۇش اۆتوۆوكزال، 10 اۆتوستانسا مەن جولاۋشىلارعا قىزمەت كورسەتەتىن 12 پۋنكتە كۇنىنە ءۇش رەت دەزينفەكسيالاۋ جۇمىستارى جۇرگىزىلۋدە.

اۆتور: تالعاتجان مۇحامەتبەك ۇلى