توتەنشە جاعداي كەزىندە شەتەلدىكتەردىڭ قازاقستاندا ءجۇرىپ-تۇرۋ ەرەجەلەرى قانداي
ق ر اۋماعىندا توتەنشە جاعدايدىڭ ەنگىزىلۋىنە بايلانىستى شەتەل ازاماتتارىنىڭ قازاقستان رەسپۋبليكاسىنا كىرىپ-شىعۋىنا شەكتەۋ قويىلدى.
«شەتەل ازاماتتارىنىڭ كوشى-قون سالاسىنداعى زاڭنامانى ولاردىڭ ىقپالىنان تىس سەبەپتەرمەن بۇزۋىنىڭ الدىن الۋ ماقساتىندا قازاقستان رەسپۋبليكاسى ۆيزاسىز كىرۋدىڭ جانە ەلدە ءجۇرىپ- تۇرۋدىڭ ءتارتىبى تۋرالى كەلىسىم جاساسقان. ونىڭ ءارقايسىسى ءاربىر كۇنتىزبەلىك ءجۇز سەكسەن كۇن ىشىندە توقسان كۇنگە دەيىن ق ر اۋماعىندا بولۋدى تالاپ ەتەدى. كوشى- قون قىزمەتتەرى ورتالىعى ۋاقىتشا تۇرۋعا رۇقساتتى 30 كۇنگە دەيىن ۇزارتا الادى. قازاقستانعا ءارتۇرلى ساناتتاعى ۆيزامەن كەلگەن جانە مەرزىمى اياقتالعان شەتەلدىكتەردىڭ ەلدە ءجۇرىپ- تۇرۋىن الماتى قالاسىنىڭ كوشى- قون قىزمەتى توتەنشە جاعداي اياقتالعانعا دەيىن سوزىپ بەرەدى»، - دەدى الماتى قالالىق پ د كوشى-قون قىزمەتى باسقارماسىنىڭ باسشىسى اسحات بۋتۋنچينوۆ.
سونىمەن بىرگە، شەتەلدىك ازاماتتار رۇقسات ەتىلگەن 30 كۇننىڭ ىشىندە نەمەسە ۆيزا ۋاقىتى بىتكەن كەزدە قازاقستان رەسپۋبليكاسىنان شىقپاسا، ق ر اكىمشىلىك قۇقىق بۇزۋ تۋرالى كودەكسىنە سايكەس اكىمشىلىك جاۋاپكەرشىلىك قاراستىرىلعان. الايدا، فورس-ماجور جاعدايىنا بايلانىستى شەتەلدىكتەر ۋاقىتىنان بۇرىن كەتىپ قالعانى ءۇشىن اكىمشىلىك جاۋاپكەرشىلىككە تارتىلمايدى.