تۇركىستان تۇرعىنى «كوروناۆيرۋس جۇقتىرعان ايەل ارامىزدا ءجۇر» دەپ جالعان اقپارات تاراتتى

None
None
تۇركىستان. قازاقپارات - تۇركىستان وبلىسىندا سارىاعاش اۋدانىنىڭ تۇرعىنى «كوروناۆيرۋس جۇقتىرعان ايەل ارامىزدا ءجۇر» دەپ الەۋمەتتىك جەلىلەردە جالعان اقپارات تاراتقان.

ءوز كەزەگىندە جابىرلەنۋشى پوليتسياعا جالعان اقپارات تاراتۋشىلاردى جاۋاپكەرشىلىككە تارتۋ تۋرالى ءوتىنىش بىلدىرگەن، دەپ حابارلايدى قازاقپارات ءتىلشىسى.

اتالعان جايت بويىنشا پوليتسەيلەر ق ر ق ك- ءنىڭ 274-بابى 2-بولىگى «كورىنەۋ جالعان اقپارات تاراتۋ» بويىنشا س د ت ب ت- عا تىركەپ، شۇعىل ىزدەستىرۋ جۇمىستارىن جۇرگىزدى. كەلەس ا پ ب- نىڭ پوليتسيا قىزمەتكەرلەرى 18- ناۋرىز كۇنى جالعان اقپارات تاراتۋشىنى انىقتاپ، ۇستاعان.

كۇدىكتى ءوز ارەكەتىن تولىق مويىنداپ، جاساعانىنا وكىنگەنىن جەتكىزگەن. قازىرگى ۋاقىتتا اتالعان جايت بويىنشا سوتقا دەيىنگى تەرگەۋ امالدارى جۇرگىزىلىپ، ءتيىستى ساراپتامالار تاعايىندالدى.

كۇدىكتى قولحاتپەن بوساتىلعان. ال، جەلىدە تارالعان اۋديوحابارلاماداعى ايەلدىڭ 10.03.2020 ج ماسكەۋ-شىمكەنت رەيسىمەن گەرمانيادان ۇشىپ كەلگەنى بەلگىلى بولعان.

اۋەجايدا ونى مەديتسينا قىزمەتكەرلەرى قارسى الىپ، شىمكەنت قالاسىنداعى پاتەرىنە ءۇي جاعدايىنداعى كارانتينگە جاتقىزعان. قازىرگى ۋاقىتتا ول امبۋلاتوريالىق ەم قابىلداۋدا. ونىڭ دەنساۋلىعىنا ءتونىپ تۇرعان قاۋىپ جوق ەكەنى انىقتالدى.

سوڭعى جاڭالىقتار