الماتىدا ازىق-تۇلىك دۇكەندەرىنىڭ جۇمىسىنا دا كارانتين تالاپتارى ەنگىزىلدى

الماتى. قازاقپارات - الماتىدا ازىق تۇلىك دۇكەندەرىنىڭ جۇمىسىنا دا كارانتين تالاپتارى ەنگىزىلدى، دەپ حابارلايدى قازاقپارات ءتىلشىسى.

قالا اكىمىنىڭ ءبىرىنشى ورىنباسارى ەرلان قوجاعاپانوۆتىڭ ايتۋىنشا، 5 ادامنان ارتىق ادام جينالعان ساۋدا ورىندارى جابىلادى.

«بىزگە قالا تۇرعىندارىنان كوپ ساۋالدار كەلىپ جاتىر. «ادامدار كوشەگە، دۇكەندەرگە بارۋعا بولا ما» دەپ سۇراپ جاتىر. ازىق-تۇلىكتەن باسقا زات ساتاتىن، قىزمەت كورسەتەتىن جەرلەر تۇگەل جابىلادى. تەك ازىق-تۇلىك ساتاتىن دۇكەندەر عانا جۇمىس ىستەيدى. ولاردىڭ وزىنە ەرەكشە سانيتارلىق ەپيدەميولوگيالىق تالاپتار ەنگىزىپ جاتىرمىز. دۇكەندەردە 5 ادامنان، ۇزىندىعى 1,5-2 مەتردەن ارتىق كەزەك بولماۋى ءتيىس. بۇل قاشىقتىق ارنايى سىزىقپەن بەلگىلەنۋى كەرەك. وسى تالاپتاردى ورىنداماعان ساۋدا ورىندارى مىندەتتى تۇردە جابىلادى»، - دەدى ە. قوجاعاپانوۆ.

ونىڭ ايتۋىنشا، اشىق اۋادا جاپپاي جاتتىعۋ جاساۋ، ويىن ويناۋ دا ادام اعزاسى ءۇشىن قاۋىپتى بولماق.