+7 (701) 759 90 19
26 °С : نۇر-سۇلتان
23 °С : الماتى
USD 412.55 EUR 454.18
RUB 5.81 CNY 57.66
جاڭالىقتار

سپورتشىلار وليمپياداعا دايىندىقتى جالعاستىرۋى كەرەك - حالىقارالىق وليمپيادا كوميتەتى

18 ناۋرىز 14:09
:ءبولىسۋ
سپورتشىلار وليمپياداعا دايىندىقتى جالعاستىرۋى كەرەك - حالىقارالىق وليمپيادا كوميتەتى

نۇر-سۇلتان. قازاقپارات - بۇگىن حالىقارالىق وليمپيادا كوميتەتى توكيو-2020 وليمپياداسىنا بارلىق مۇددەلى تاراپتارمەن كونسۋلتاتسيالار جۇرگىزۋدى جالعاستىردى، دەپ حابارلايدى قازاقپارات ق ر ۇلتتىق وليمپيادا كوميتەتىنىڭ باسپا ءسوز قىزمەتىنە سىلتەمە جاساپ.

«العاشقى كونسۋلتاتسيانىڭ ءبىرى حالىقارالىق جازعى وليمپيادالىق سپورت فەدەراتسيالارىنىڭ قاتىسۋىمەن ءوتتى. الداعى كۇندەرى ۇلتتىق وليمپيادا كوميتەتتەرىمەن، سپورتشىلار وكىلدەرىمەن، حالىقارالىق پاراليمپيادا كوميتەتىمەن، حالىقارالىق فەدەراتسيالارمەن جانە باسقا دا مۇددەلى تاراپتارمەن كونسۋلتاتسيالار وتەدى. COVID-19 ۆيرۋسىنا قاتىستى جاعداي توكيو-2020 وليمپياداسىنا دايىندالۋعا اسەر ەتەدى جانە كۇن سايىن وزگەرىپ وتىر. حالىقارالىق وليمپيادا كوميتەتى اتالعان وليمپيادانىڭ ءوتۋىن قالايدى. وليمپيادا ويىندارىنا ءتورت ايدان استام ۋاقىت بار ەكەنىن ەسكەرسەك، ءدال قازىرگى ۋاقىتتا ءبىرجاقتى شەشىم قابىلداۋدىڭ قاجەتى جوق»، - دەلىنگەن باسپا ءسوز حابارلاماسىندا.

حابارلامادا جازىلعانداي، حالىقارالىق وليمپيادا كوميتەتى الەمدەگى بيلىكتەردىڭ كوروناۆيرۋسقا قارسى قابىلداعان شارالارى ونىڭ تارالماۋىنا ىقپال ەتەدى دەپ سەنەدى.

«توكيو-2020 وليمپياداسىنا دايىندالىپ جاتقان سپورتشىلاردىڭ دەنساۋلىعى مەن ءال-اۋقاتى - ءبىزدىڭ باستى نازارىمىزدا. قاۋىپسىزدىكتى قامتاماسىز ەتۋ جانە سپورتشىلاردىڭ، جاتتىقتىرۋشىلار مەن قولداۋ كوماندالارىنىڭ مۇددەلەرىن قورعاۋ ءۇشىن بارلىق شارالار قولدانىلادى. ءبىز - وليمپيادالىق قاۋىمداستىقپىز، قانداي ۋاقىتتا دا ءبىر- ءبىرىمىزدى قولدايمىز»، - دەيدى ح و ك پرەزيدەنتى توماس باح.

اۆتور: زارينا قاھارمان



باستى سوزدەر: سپورت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات