جەڭىلىپ كورمەگەن قازاقستاندىق بوكسشى الەمدى تاڭعالدىرۋعا تاعى ۋادە بەردى

نۇر- سۇلتان. قازاقپارات - جەڭىلىپ كورمەگەن قازاقستاندىق بوكسشى مۇسا تۇرسىنعاليەۆ (10-0, 6 ك و) الداعى جوسپارى تۋرالى جانكۇيەرلەرىنىڭ ەسىنە سالدى، دەپ حابارلايدى قازاقپارات Sports.kz سايتىنا سىلتەمە جاساپ.

«مەن جاقىندا بۇل الەمدى تاڭعالدىراتىنىمدى بىلەمىن، 2020» ، - دەپ جازدى ول Instagram-عا باپكەرىمەن جاتتىعۋ بارىسىنان ۆيدەو جاريالاپ. ايتا كەتەيىك، بۇل مۇسانىڭ وسى ۇلگىدەگى العاشقى جازباسى ەمەس - ول بۇرىنعى جەكپە- جەكتەرىنىڭ بىرىنەن كەيىن مىناداي مالىمدەمە جاساعان ەدى: «مەن تاياۋدا الەم چەمپيونى بولامىن. قازاق جاۋىنگەرى بۇكىل الەمدى تاڭعالدىراتىن بولادى» .

تۇرسىنعاليەۆ 13 - ناۋرىز كۇنى ماياميدە رينگكە شىعۋى ءتيىس ەدى. وعان قارسىلاس رەتىندە ارگەنتينالىق ەسەكەل تيەۆەس (13-5, 4 ك و) بەلگىلەندى. الايدا، بوكس كەشى كوروناۆيرۋس پاندەمياسىنا بايلانىستى كەيىنگە شەگەرىلدى.