ەلوردادا كوروناۆيرۋسقا بايلانىستى ۇ ب ت ۋاقىتى شەگەرىلدى

نۇر-سۇلتان. قازاقپارات - رەسپۋبليكالىق فيزيكا-ماتەماتيكا مەكتەبىنە، نازاربايەۆ زياتكەرلىك مەكتەبىنە قابىلداۋ ءۇشىن وتكىزىلەتىن ەمتيحان ۋاقىتى ماۋسىم ايىنا شەگەرىلدى.

بۇل تۋرالى نۇر-سۇلتان قالاسى اكىمدىگىندە ەلدە ەنگىزىلگەن توتەنشە جاعداي بويىنشا ق ر پرەزيدەنتىنىڭ تاپسىرمالارىن جۇزەگە اسىرۋ اياسىندا وتكەن.

«بيىلعى وقۋ جىلىندا 117 مەكتەپ ءبىلىم بەرىپ جاتىر. ونىڭ 89 ى - مەملەكەتتىك، 22 ءسى جەكە مەنشىك مەكتەپ. مەكتەپ باسشىلارى مەن اتا-انالار ۆيرۋستى ينفەكتسيا پايدا بولعان جاعدايدا نە ىستەۋ كەرەكتىگى تۋرالى جەدەل جينالىس وتكىزگەن. بۇگىنگى تاڭدا مەكتەپ وقۋشىلارى 16- ناۋرىزدان باستاپ 5- ساۋىرگە دەيىن كانيكۋلدا»، - دەيدى نۇر-سۇلتان قالاسى ءبىلىم باسقارماسىنىڭ باسشىسى شولپان قادىروۆا.

ول ءوتۋى جوسپارلانعان وليمپيادا، بايقاۋ، سپورتتىق شارالار كەيىنگە شەگەرىلگەنىن ايتتى.

«ۇ ب ت ۋاقىتى دا كەيىنگە شەگەرىلەدى. وتەتىن كۇنى مەن ۋاقىتىن قوسىمشا حابارلايمىز. رەسپۋبليكالىق فيزيكا-ماتەماتيكا مەكتەبىنە، نازاربايەۆ زياتكەرلىك مەكتەبىنە قابىلداۋ ءۇشىن وتكىزىلەتىن ەمتيحان ۋاقىتى ماۋسىم ايىنا شەگەرىلدى. كانيكۋل كەزىندە مەكتەپتەگى اكىمشىلىك، تەحنيكالىق جۇمىسشىلار كەستە بويىنشا جۇمىس ىستەيدى، ال قالعان پەداگوگتار قاشىقتىقتان جۇمىس ىستەۋلەرىنە بولادى. قالاداعى مەكتەپتەر ينتەرنەتكە تولىق قوسىلعان، قازىرگى ۋاقىتتا ءبىز «كۇندەلىك» جۇيەسى بويىنشا جۇمىس ىستەيمىز»، - دەيدى ول.