قىتاي، وزبەكستان جانە موڭعولياعا جولاۋشى تاسىمالدايتىن اۆتوبۋستار توقتادى
بۇل جونىندە يندۋستريا جانە ينفراقۇرىلىمدىق دامۋ مينيسترلىگىنە سىلتەمە جاساپ قازاقپارات حابارلايدى.
قازاقستان مەن قىرعىزستان (30)، وزبەكستان (100) رەسەي (300)، ق ح ر (1000)، موڭعوليا (30)، ۋكراينا (50) جانە تاجىكستان (50) اراسىندا جولاۋشىلاردى تۇراقتى ەمەس تاسىمالداۋعا وتاندىق تاسىمالداۋشىلارعا رۇقسات بلانكىلەرىن بەرۋ توقتاتىلدى.
بۇل بلانكىلەر تۋريستىك جانە تاپسىرىستى مارشرۋتتارعا ارنالعان. سونداي-اق، كوروناۆيرۋستىڭ تارالۋىنا جول بەرمەۋ ماقساتىندا رەسەي جانە قىرعىزستانمەن حالىقارالىق قاتىناستاعى تۇراقتى مارشرۋتتار رەيسىنىڭ سانى شەكتەلدى.
ودان بولەك، ت ۇراقتى جانە تۇراقتى ەمەس اۆتوبۋس تاسىمالدارىنىڭ ءترانزيتى توقتاتىلدى. تاماق ونىمدەرىن، حالىق تۇتىناتىن جانە مەديتسينالىق ماقساتتاعى تاۋارلاردى ۇزدىكسىز جەتكىزۋ ماقساتىندا جۇك جانە پوچتا جونەلتىلىمدەرىن اۆتوموبيل كولىگىمەن حالىقارالىق ەكىجاقتى جانە ترانزيتتىك قاتىناستا تاسىمالداۋ شەكتەلمەيدى. سونىمەن قاتار، تاسىمالداۋشىلار حالىقارالىق قاتىناستا اۆتوموبيل كولىگىمەن جۇك تاسىمالداۋ كەزىندە بەلگىلەنگەن كارانتيندىك جانە سانيتارلىق- ەپيدەميولوگيالىق نورمالاردى ساقتاۋى ءتيىس. - جۇرگىزۋشى بەلگىلەنگەن ۋ س ق- دا قاتاڭ تۇردە ءجۇرۋى، ءوز اۆتوكولىگىنىڭ كابيناسىندا بولۋى ءتيىس جانە ءوز باستاماسى بويىنشا جانار-جاعار ماي ستانتسيالارىنان، ازىق- تۇلىك دۇكەندەرىنەن، اۆتو ءۇشىن ارنايى جابدىقتالعان تۇراقتاردان نەمەسە اۆتوكولىك سىنعان جاعدايدا ت ق س-دان باسقا قانداي دا ءبىر ورىندارعا بارماۋى ءتيىس.
- جۇرگىزۋشى بويىنان ج ر ۆ ي بەلگىلەرىن بايقاعان جاعدايدا، ول ءوز اۆتوموبيلىنىڭ كابيناسىندا قالۋى، 103 نەمەسە 112 تەلەفوندارىنا قوڭىراۋ شالۋ، ءوزىنىڭ جاعدايى، اۆتوموبيلدىڭ تۇرعان جەرى، كابيناداعى ادامداردىڭ سانى تۋرالى حابارلاۋ جانە جەدەل جاردەم كولىگىنىڭ كەلۋىن كۇتۋ كەرەك. - اۆتوماشينانى كەدەندىك تازارتقاننان جانە تۇسىرگەننەن كەيىن شەتەلدىك تاسىمالداۋشى اۆتوكولىكتى تيەۋگە جانە جۇكتى كەدەندىك رەسىمدەۋدى قاتاڭ تۇردە تيەۋ جانە كەدەندىك رەسىمدەۋ ورنىندا بولۋ شارتىمەن جۇزەگە اسىرۋعا ءتيىس.
- تيەۋدى كۇتۋ كەزىندە اۆتوموبيل جانە جۇرگىزۋشى جۇك اۆتوموبيلدەرىنە ارنالعان ارنايى تۇراقتا بولۋى مۇمكىن. - جۇك تيەلگەننەن جانە كەدەندىك رەسىمدەگەننەن كەيىن جۇرگىزۋشى قازاقستان رەسپۋبليكاسىندا بولۋ شارتتارىن ساقتاي وتىرىپ، ول ارقىلى قازاقستان رەسپۋبليكاسىنان كەتۋى ءتيىس ءا و ق- نىڭ شەكاراسىنا قاتاڭ تۇردە ۇستانۋعا ءتيىس.
- شەتەلدىك تاسىمالداۋشىنىڭ باراتىن جەرىنە بارۋ جانە كەرى قايتۋ جولىندا جۇرگىزۋشىنىڭ حالىقپەن، سونداي-اق باقىلاۋشى ورگانداردىڭ وكىلدەرىمەن بايلانىسىن بارىنشا ازايتۋ قاجەت. سونىمەن قاتار، سانيتارلىق- ەپيدەميولوگيالىق قىزمەتتەر كەدەن جانە شەكارا قىزمەتتەرىمەن بىرلەسىپ، مەملەكەتتىك شەكارا ارقىلى وتكىزۋ پۋنكتىلەرى انىقتالادى.