قازاقستاندا قانداي اۋە رەيستەرى توقتاتىلدى
ەلىمىزدە توتەنشە جاعدايدىڭ جاريالانۋىنا بايلانىستى جانە كوروناۆيرۋستىڭ تارالۋىنا جول بەرمەۋ ماقساتىندا 16-ناۋرىز كۇنى ساعات 08: 00-دەن باستاپ شەتەل ازاماتتارىنىڭ قازاقستانعا كەلۋىنە جانە ەمدەۋگە باراتىنداردى قوسپاعاندا، قازاقستان ازاماتتارىنىڭ شەت مەملەكەتتەرگە كەتۋىنە تىيىم سالىنادى.
سونداي-اق، 49 حالىقارالىق تۇراقتى رەيس توقتاتىلىپ، 84 حالىقارالىق رەيس قىسقارتىلدى. ۆەدومستۆو حابارلاعانداي، قازاقستان رەسپۋبليكاسى مەن قىتاي حالىق رەسپۋبليكاسى اراسىنداعى بارلىق تۇراقتى اۋە رەيستەرى، تەگەران- الماتى باعىتى بويىنشا ق ر مەن يران اراسىنداعى بارلىق تۇراقتى اۋە رەيستەرى، نۇر-سۇلتان- باكۋ تۇراقتى رەيسى، «Lufthansa» اۋە كومپانياسىنىڭ فرانكفۋرت - الماتى جانە فرانكفۋرت - الماتى- نۇر-سۇلتان باعىتتارى بويىنشا 7 تۇراقتى رەيسى وسى جىلدىڭ 24-ساۋىرىنە دەيىن، نۇر-سۇلتان - پاريج باعىتى بويىنشا قازاقستان رەسپۋبليكاسى مەن فرانسيا اراسىنداعى بارلىق تۇراقتى اۋە رەيستەرى توقتاتىلادى.
سونداي- اق، مىنا رەيستەر:
• قازاقستان رەسپۋبليكاسى مەن وڭتۇستىك كورەيا اراسىنداعى 6 رەيس («ەير استانا»: الماتى - سەۋل باعىتى بويىنشا 5 تەن 1 رەيسكە دەيىن جانە نۇر- سۇلتان - سەۋل باعىتى بويىنشا 2-دەن 1 رەيسكە دەيىن؛ «Asiana Airlines»: الماتى - سەۋل 2 باعىتى بويىنشا 1 رەيسكە دەيىن)؛
• قازاقستان مەن ازەربايجان اراسىنداعى اپتاسىنا 9 رەيس («ەير استانا»: الماتى - باكۋ باعىتى بويىنشا اپتاسىنا 3 تەن 1 رەيسكە؛ «SCAT»: اقتاۋ - باكۋ باعىتى بويىنشا 7 دەن 1 رەيسكە؛ «Azerbaijan Airlines» : باكۋ- الماتى باعىتى بويىنشا 2 دەن 1 رەيسكە)؛
• قازاقستان مەن جاپونيا اراسىنداعى نۇر-سۇلتان- توكيو («SCAT» ) باعىتى بويىنشا اپتاسىنا 2-دەن 1 رەيسكە دەيىن قىسقارتىلدى. «اۋە رەيستەر رەيستەرىنىڭ توقتاتىلۋىنا بايلانىستى شەتەلدىك اۋە كومپانيالارعا بيلەتتەردى ايىپپۇلسىز جانە تولىق كولەمدە قايتارۋ ۇسىنىلدى. اۋە بيلەتتەردى قايتارۋدى رەسىمدەۋ ءۇشىن جولاۋشىلارعا ولاردى ساتىپ الۋ ورنى بويىنشا حابارلاسۋ قاجەت. اۋە كومپانيالاردىڭ كوروناۆيرۋستىڭ تارالۋ دەڭگەيى جوعارى ەلدەرگە اۋە رەيستەرىنە قويىلعان شەكتەۋلەر ۋاقىتشا جانە ۆيرۋستىڭ تارالۋى بويىنشا جاعداي جاقسارعان كەزدە ەلدەر اراسىندا تۇراقتى اۋە قاتىناسى قالپىنا كەلتىرىلەدى»، - دەلىنگەن حابارلامادا.
ەسكە سالا كەتسەك، بۇعان دەيىن بيىل 16-ناۋرىزىنان باستاپ گەرمانيا، ۇلى بريتانيا، نيدەرلاندى، تۇركيا، ۋكراينا، بەلارۋس، بىرىككەن اراب امىرلىكتەرى، گرۋزيا، ءۇندىستان، ماجارستان، چەحيا، پولشا ەلدەرىنە قازاقستاندىق (ەير استانا، SCAT) جانە شەتەلدىك (Turkish Airlines، Pegasus Airlines، Fly Dubai، Etihad Airways، Air Arabia، Wizz Air، LOT Polish Airlines، بەلاۆيا) اۋە تاسىمالداۋشىلارىنىڭ اپتاسىنا 68 تۇراقتى رەيسى قىسقارتىلعانى تۋرالى جازعان بولاتىنبىز.
اۆتور: زارينا قاھارمان