+7 (701) 759 90 19
6 °С : نۇر-سۇلتان
11 °С : الماتى
USD 447.60 EUR 489.41
RUB 5.71 CNY 63.05
جاڭالىقتار

قازاقستاندىق سپورتشىلار وليمپياداعا دايىندىقتى جالعاستىرا بەرەدى - مينيسترلىك

17 ناۋرىز 11:14
:ءبولىسۋ
قازاقستاندىق سپورتشىلار وليمپياداعا دايىندىقتى جالعاستىرا بەرەدى - مينيسترلىك

نۇر-سۇلتان. قازاقپارات - مادەنيەت جانە سپورت ۆيتسە-ءمينيسترى وركەن بيساقايەۆ توكيو وليمپياداسىنا قاتىساتىن سپورتشىلار قازاقستاندا وقۋ-جاتتىعۋ جيىندارىنا قاتىسا بەرەتىنىن مالىمدەدى، دەپ حابارلايدى قازاقپارات ءتىلشىسى.

«ەلدە توتەنشە جاعدايدىڭ ەنگىزىلۋىنە بايلانىستى سپورت سالاسىندا دا ناقتى شەشىمدەر قابىلداندى. بىرىنشىدەن، سپورتشىلار شەتەلگە شىقپايتىن بولدى. ونىڭ ىشىندە بالالار مەن جاس وسپىرىمدەر مەملەكەتتىك سپورت مەكتەپتەرىنىڭ ساباقتارى توقتاتىلادى. فيتنەس جانە جاتتىعۋ زالدارىنىڭ، سپورت كەشەندەرىنىڭ قىزمەتى توقتاتىلادى. جالپى توتەنشە جاعداي كەزىندە بارلىق سپورت ءتۇرى بويىنشا ءىس-شارالار بولمايدى»، - دەدى وركەن بيساقايەۆ و ك ق- دا وتكەن ونلاين-فورماتتاعى باسپا ءسوز ءماسليحاتىندا.

مادەنيەت جانە سپورت مينيسترلىگىنە قازىرگى تاڭدا «بارىس» حوككەي كومانداسى بويىنشا سۇراقتار ءتۇسىپ جاتقانى اتاپ ءوتىلدى. كلۋب باسشىلارى ءوز سايتىندا كوماندانىڭ «گاگارين» كۋبوگىنا قاتىسپايتىنىن جاريالاعان. ءبىراق قۇرلىقتىق حوككەي ليگاسى ءالى رەسمي مالىمدەمە جاسامادى.

«سونىمەن قاتار وليمپيادا ويىندارىنا قاتىسۋ تۋرالى سۇراقتار كوپ. ول بويىنشا قازىرگى ۋاقىتتا ليتسەنزيالانعان تۋرنيرلەر كەيىنگە قالدىرىلۋدا. شەتەلدە جۇرگەن سپورتشىلاردىڭ ءبارىن قازاقستانعا قايتارىپ جاتىرمىز. قازاقستان اۋماعىندا وقۋ-جاتتىعۋ جيىندارىن وتكىزۋ ماسەلەسى ءالى پىسىقتالۋدا. سەبەبى توكيودا وتەتىن وليمپيادا ويىندارىن وتكىزۋ تۋرالى ماسەلە ءوز كۇشىندە. سوندىقتان سپورتشىلار سپورتتىق فورمالارىن ساقتاۋى ءۇشىن دايىندىق جۇرگىزۋىن توقتاتپاۋ تۋرالى شەشىم قابىلداپ جاتىرمىز»، - دەدى ول.



باستى سوزدەر: سپورت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات