+7 (701) 759 90 19
4 °С : نۇر-سۇلتان
10 °С : الماتى
USD 447.60 EUR 489.41
RUB 5.71 CNY 63.05
جاڭالىقتار

قازاقپارات كۇنتىزبەسى. دۇنيەجۇزىلىك الەۋمەتتىك جۇمىس كۇنى

17 ناۋرىز 09:01
:ءبولىسۋ
قازاقپارات كۇنتىزبەسى. دۇنيەجۇزىلىك الەۋمەتتىك جۇمىس كۇنى

نۇر-سۇلتان. قازاقپارات - قازاقپارات وقىرماندار نازارىنا 2020 -جىلعى 17-ناۋرىزعا ارنالعان كۇنتىزبەنى ۇسىنادى.

اتاۋلى كۇندەر

دۇنيەجۇزىلىك الەۋمەتتىك جۇمىس كۇنى

الەۋمەتتىك ادىلەتتىلىك، ادام قۇقىقتارى جانە الەۋمەتتىك دامۋ ءۇشىن كۇرەسەتىن حالىقارالىق الەۋمەتتىك جۇمىسشىلار فەدەراتسياسىنىڭ باستاماسىمەن جىل سايىن ناۋرىزدىڭ ءۇشىنشى سەيسەنبىسىندە اتالىپ وتەدى.

الەۋمەتتىك جۇمىستىڭ نەگىزگى مىندەتى - كومەككە جانە قولداۋعا مۇقتاج الەۋمەتتىك توپ وكىلدەرىنىڭ (بالالار، مۇگەدەكتەر، زەينەتكەرلەر، از قامتىلعان ادامدار، ايەلدەر جانە ت. ب. ) لايىقتى ءومىر ءسۇرۋ دەڭگەيى مەن ساپاسىن قامتاماسىز ەتۋ. ال الەۋمەتتىك جۇمىستىڭ ماڭىزدى ناتيجەسى - تەك جەكەلەگەن ادامداردىڭ عانا ەمەس، تۇتاس وتباسى مەن جالپى قوعامنىڭ ءال- اۋقاتىن جاقسارتۋ.

ەستە قالار وقيعالار

1990 -جىلى الماتىدا قازاقستان كارىستەرىنىڭ قۇرىلتايى ءوتتى. وندا رەسپۋبليكالىق كارىس مادەنيەتى ورتالىقتارىنىڭ قاۋىمداستىعى قۇرىلدى.

1994 -جىلى قازاقستان رەسپۋبليكاسىنىڭ سىرتقى ىستەر مينيسترلىگى بۇرىنعى يۋگوسلاۆيا رەسپۋبليكاسى ماكەدونيانىڭ تاۋەلسىزدىگىن مويىنداۋ تۋرالى نوتا جىبەردى.

1995 -جىلى قازاقستان رەسپۋبليكاسى پرەزيدەنتى نۇرسۇلتان نازاربايەۆتىڭ جارلىعىمەن قازاقستان رەسپۋبليكاسىنىڭ ورتالىق سايلاۋ كوميسسياسى قۇرىلدى.

1995 -جىلى جۋرناليستيكا سالاسىنىڭ «التىن جۇلدىز» جالپىۇلتتىق سىيلىعى تاعايىندالدى. 2001 -جىلدان باستاپ «التىن جۇلدىز» قازاقستان جۋرناليستيكا اكادەمياسىنىڭ رەسمي سىيلىعى. سىيلىق - شىعارماشىلىق تابىستاردى جانە قازاقستاندىق بۇقارالىق اقپارات قۇرالدارىنىڭ باسەكەگە تۇسە الاتىندىعىن كاسىبي جانە قوعامدىق تانۋدىڭ جوعارى بەلگىسى. قازىرگى تاڭدا قازاقستان جۋرناليستيكاسىنىڭ دامۋىنا ءوز ۇلەستەرىن قوسقان 100 دەن استام تۇلعا وسى سىيلىقپەن ماراپاتتالعان.

2000 -جىلى ەكونوميكالىق، ساياسي جانە مادەني سالالاردا اۋستريا مەن قازاقستاننىڭ اراسىنداعى دوستىق بايلانىستارىن نىعايتۋعا قوسقان سۇبەلى ۇلەسى ءۇشىن قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ «اۋستريا رەسپۋبليكاسىنىڭ الدىنداعى زور ەڭبەگى ءۇشىن ۇلكەن قۇرمەت جۇلدىزى» وردەنىمەن ماراپاتتالدى. اتالمىش قۇرمەت بەلگىسى - اۋستريانىڭ 1952 -جىلعى 2-ساۋىردە بەكىتىلگەن مەملەكەتتىك ناگراداسى. ونى ۇلتتىق جينالىس قابىلداعان زاڭدارعا نەگىزدەلە اۋستريا فەدەرالدى پرەزيدەنتى تابىستايدى.

2005 -جىلى قازاقستان رەسپۋبليكاسى پرەزيدەنتىنىڭ جارلىعىمەن، ق ر ۇكىمەتىنىڭ قاۋلىسىمەن بەكىتىلگەن «2005-2007 -جىلدارعا ارنالعان قازاقستان رەسپۋبليكاسىندا عارىش قىزمەتىن دامىتۋ» مەملەكەتتىك باعدارلاماسىنا سايكەس «قازعارىش» ۇلتتىق كومپانياسى» ا ق قۇرىلدى.

2012 -جىلى «مەرلەر بەيبىتشىلىك ءۇشىن» حالىقارالىق ۇيىمىنا كىرەتىن قازاقستاننىڭ ءۇش قالاسىنا (قاراعاندى، وسكەمەن جانە سەمەي) رەسپۋبليكانىڭ تاعى توعىز قالاسى قوسىلدى، ونىڭ ىشىندە شىعىس قازاقستاننىڭ سەگىز قالاسى بار. «مەرلەر بەيبىتشىلىك ءۇشىن» حالىقارالىق ۇيىمىنىڭ «بولاشاق-2020» كومپانياسى ديرەكتورلار كەڭەسىنىڭ ءتوراعاسى ليۋك دەانە قازاقستاندىق پاۆلودار، كۋرچاتوۆ، ريددەر، زىريان، شەمونايحا، زايسان، شار، اياگوز، سەرەبريانسك قالالارىنىڭ اكىمدەرىنە «مەرلەر بەيبىتشىلىك ءۇشىن» حالىقارالىق ۇيىمى مۇشەلەرىنىڭ سەرتيفيكاتتارىن تابىس ەتتى. شىعىس قازاقستان وبلىسىنىڭ اكىمدىكتەرى مەن «مەرلەر بەيبىتشىلىك ءۇشىن» حالىقارالىق حاتشىلىعى بىرلەسكەن ءىس- قيمىل جوسپارىنا قول قويدى.

2013 -جىلى سەمەي قالاسىنىڭ شەبەرلەرى تۇركىستاندا احمەت ءياساۋيدىڭ كەسەنەسىندە ورناتىلعان قولا تايقازاننىڭ كوشىرمەسىن جاسادى. ونىڭ ديامەترى - 2,45 م، سالماعى - 2 توننا.

2014 -جىلى قازاقستان رەسپۋبليكاسىنىڭ ۇلتتىق بانكى 2014 -جىلعى 17-ناۋرىزدا نومينالى 100 تەڭگەلىك، «рroоf « ساپالى «برازيلياداعى FIFA 2014 فۋتبولدان الەم چەمپيوناتى» ەسكەرتكىش كۇمىس مونەتاسىن اينالىسقا شىعاردى.

2017 -جىلى استانادا «تۇمار» ۇلتتىق تەليەۆيزيالىق العاشقى سىيلىعىنىڭ جەڭىمپازدارىن ماراپاتتاۋ ءراسىمى ءوتتى. ۇيىمداستىرۋشىلار - «قازمەديا» ورتالىعى جانە قازاقستان رەسپۋبليكاسىنىڭ اقپارات جانە كوممۋنيكاتسيالار مينيسترلىگى. ماقساتى - ەڭ ساپالى جانە وزەكتى تەليەۆيزيالىق ءونىمدى انىقتاپ، تالانتتى كاسىپقويلاردى قولداۋ، سونداي- اق ساپالى قازاقستاندىق تەليەۆيزيانى دامىتۋ.

2018 -جىلى ەكونوميكالىق ىنتىماقتاستىق جانە دامۋ ۇيىمى كەڭەسى قازاقستاننىڭ بولات كوميتەتىنە كىرۋ تۋرالى ءوتىنىشىن ماقۇلدادى.

2019 -جىلى قازاقستاندىق اكتريسا سامال ەسلياموۆا گونكونگتا وتكەن ازيا كينواكادەمياسىندا (Asian Film Awards Academy) «ايكا» كارتيناسىنداعى باستى ءرولى ءۇشىن «ازيانىڭ ۇزدىك اكتريساسى» سىيلىعىنا يە بولدى. 2018 -جىلدىڭ مامىر ايىندا سامال ەسلياموۆا قازاقستاندىق كينەماتوگرافيا تاريحىندا تۇڭعىش رەت 71 كانن كينوفەستيۆالىندە ۇزدىك اكتريسا دەپ تانىلعان بولاتىن.


باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات