پرەزيدەنت تۇراقتىلىقتى قامتاماسىز ەتۋ شارالارى تۋرالى جارلىققا قول قويدى

نۇر- سۇلتان. قازاقپارات – ق ر پرەزيدەنتى قاسىم- جومارت توقايەۆ الەۋمەتتىك- ەكونوميكالىق تۇراقتىلىقتى قامتاماسىز ەتۋ جونىندەگى شارالار تۋرالى جارلىققا قول قويدى، دەپ حابارلايدى قازاقپارات اقورداعا سىلتەمە جاساپ.

***

الەۋمەتتىك- ەكونوميكالىق تۇراقتىلىقتى قامتاماسىز ەتۋ جونىندەگى شارالار تۋرالى

قازاقستان رەسپۋبليكاسى كونستيتۋتسياسىنىڭ 44-بابىنىڭ 16) تارماقشاسىنا، «قازاقستان رەسپۋبليكاسىنىڭ پرەزيدەنتى تۋرالى» 1995 -جىلعى 26 - جەلتوقسانداعى قازاقستان رەسپۋبليكاسىنىڭ كونستيتۋتسيالىق زاڭىنا سايكەس حالىقتىڭ ءومىرى مەن دەنساۋلىعىنا، كونستيتۋتسيالىق قۇرىلىسقا، قوعامدىق ءتارتىپتى ساقتاۋعا، مەملەكەتتىك اپپاراتتىڭ تۇراقتى جۇمىس ىستەۋىنە ءقاۋىپ توندىرەتىن نەمەسە ءتوندىرۋى مۇمكىن داعدارىستى جاعدايلار كەزىندە مەملەكەتتىك باسقارۋ دەڭگەيلەرى اراسىنداعى وكىلەتتىكتەردى اجىراتۋ ماقساتىندا قاۋلى ەتەمىن:

1. داعدارىستى جاعدايلار كەزەڭىندە قازاقستان رەسپۋبليكاسىندا مەملەكەتتىك باسقارۋدىڭ جۇمىس ىستەۋىنىڭ مىناداي تەتىگى ايقىندالسىن:

1) قازاقستان رەسپۋبليكاسىنىڭ پرەزيدەنتى مەملەكەتتىڭ ىشكى جانە سىرتقى ساياساتىنىڭ نەگىزگى باعىتتارىن ايقىندايتىن جانە ەل ىشىندە جانە حالىقارالىق قاتىناستاردا قازاقستان اتىنان وكىلدىك ەتەتىن جوعارى لاۋازىمدى تۇلعا رەتىندە، ونىڭ ىشىندە الەۋمەتتىك- ەكونوميكالىق سالادا:

قازاقستان رەسپۋبليكاسىنىڭ كونستيتۋتسياسىندا رەتتەلگەن ماسەلەلەردى قوسپاعاندا، مەملەكەتتىك ورگاندار مەن كۆازيمەملەكەتتىك سەكتور سۋبەكتىلەرىن ۇيىمداستىرۋ مەن قىزمەتى؛

سالىق سالۋ، مەملەكەتتىك بيۋدجەتتى قالىپتاستىرۋ، ناقتىلاۋ جانە پايدالانۋ؛

حالىقتىڭ جانە ەكونوميكانىڭ ۇزدىكسىز تىنىس- تىرشىلىگىن قامتاماسىز ەتۋ ءۇشىن قاجەتتى تاۋارلاردى اكەلۋ جانە اكەتۋ؛

مەملەكەتتىك مەنشىكتى باسقارۋدى ۇيىمداستىرۋ؛

ەڭبەكاقى تولەۋ، ازاماتتاردىڭ الەۋمەتتىك قورعالۋى، مەملەكەتتىك الەۋمەتتىك جانە مەديتسينالىق قامتاماسىز ەتۋ، مەديتسينالىق جانە الەۋمەتتىك ساقتاندىرۋ جۇيەسى مەن شارتتارىن قالىپتاستىرۋ؛

شەكتى تاريفتەردى جانە حالىقتىڭ جانە ەكونوميكانىڭ ۇزدىكسىز تىنىس- تىرشىلىگىن قامتاماسىز ەتۋ ءۇشىن قاجەتتى ازىق- تۇلىك پەن باسقا دا تاۋارلارعا باعالاردى بەلگىلەۋ؛

باقىلاۋدى جانە قاداعالاۋدى جۇزەگە اسىرۋ؛

ليسەنزيالاۋ، رۇقساتتار جانە حابارلامالار؛

مەملەكەتتىك ساتىپ الۋدى جۇزەگە اسىرۋ؛

قۇقىق ءتارتىبىن قامتاماسىز ەتۋ؛

قارجى نارىقتارى مەن قارجى ۇيىمدارى؛

ەلدىڭ حالىقارالىق مىندەتتەمەلەرىن ىسكە اسىرۋ؛

مونوپولياعا قارسى زاڭناما جانە باسەكەلەستىكتى قورعاۋ؛

قازاقستان رەسپۋبليكاسىنىڭ كونستيتۋتسياسىندا، زاڭدارىندا جانە قازاقستان رەسپۋبليكاسىنىڭ پرەزيدەنتى مەن ۇكىمەتىنىڭ اكتىلەرىندە جۇكتەلگەن وزگە دە فۋنكتسيالار مەن باعىتتاردى جۇزەگە اسىرۋ ماسەلەلەرى بويىنشا رەتتەۋدىڭ وزگە دە ءتارتىبىن كوزدەيتىن اكتىلەر قابىلداۋعا نەمەسە مەملەكەتتىك ورگاندارعا تاپسىرمالار بەرۋگە قۇقىلى؛

2) قازاقستان رەسپۋبليكاسىنىڭ ۇكىمەتى اتقارۋشى ورگاندار جۇيەسىن باسقاراتىن جانە ولاردىڭ قىزمەتىنە باسشىلىقتى جۇزەگە اسىراتىن ورگان رەتىندە، قازاقستان رەسپۋبليكاسى پرەزيدەنتىنىڭ اكتىلەرى مەن تاپسىرمالارىندا تىكەلەي قۇزىرەتى بولعان كەزدە، ونىڭ ىشىندە وسى تارماقتىڭ 1) تارماقشاسىندا كوزدەلگەن ماسەلەلەر بويىنشا وزگە دە ءتارتىپتى كوزدەيتىن اكتىلەر قابىلداۋعا نەمەسە مەملەكەتتىك ورگاندارعا، جەرگىلىكتى اتقارۋشى ورگاندارعا تاپسىرمالار بەرۋگە قۇقىلى؛

3) قازاقستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن مەملەكەتتىك ورگاندار قازاقستان رەسپۋبليكاسى پرەزيدەنتىنىڭ اكتىلەرى مەن تاپسىرمالارىندا تىكەلەي قۇزىرەتى بولعان كەزدە، ونىڭ ىشىندە وسى تارماقتىڭ 1) تارماقشاسىندا كوزدەلگەن ماسەلەلەر بويىنشا وزگە دە ءتارتىپتى كوزدەيتىن اكتىلەر قابىلداۋعا قۇقىلى؛

4) ورتالىق جانە جەرگىلىكتى اتقارۋشى ورگاندار قازاقستان رەسپۋبليكاسى پرەزيدەنتىنىڭ، قازاقستان رەسپۋبليكاسى ۇكىمەتىنىڭ اكتىلەرى مەن تاپسىرمالارىندا تىكەلەي قۇزىرەتى بولعان كەزدە، ونىڭ ىشىندە وسى تارماقتىڭ 1) تارماقشاسىندا كوزدەلگەن ماسەلەلەر بويىنشا وزگە دە ءتارتىپتى كوزدەيتىن اكتىلەردى قابىلداۋعا قۇقىلى.

2. قازاقستان رەسپۋبليكاسىنىڭ ۇكىمەتى:

1) ءبىر اي مەرزىمدە زاڭنامالىق اكتىلەرگە وسى جارلىقتى ىسكە اسىرۋعا، ونىڭ ىشىندە قاجەت بولعان كەزدە وزگە دە فۋنكتسيالاردى قايتا بولۋگە باعىتتالعان وزگەرىستەر مەن تولىقتىرۋلار ەنگىزۋدى كوزدەيتىن زاڭ جوباسىن قازاقستان رەسپۋبليكاسىنىڭ پارلامەنتى ءماجىلىسىنىڭ قاراۋىنا ەنگىزسىن؛

2) وسى جارلىقتى ىسكە اسىرۋ جونىندە وزگە دە شارالار قابىلداسىن.

3. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.

4. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ

پرەزيدەنتى ق. توقايەۆ

نۇر- سۇلتان، اقوردا، 2020 -جىلعى 16 - ناۋرىز

№ 286