+7 (701) 759 90 19
8 °С : نۇر-سۇلتان
11 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

مادەنيەت جانە سپورت قايراتكەرلەرى كوروناۆيرۋسپەن جۇمىلا كۇرەسۋگە شاقىردى

16 ناۋرىز 22:33
:ءبولىسۋ
مادەنيەت جانە سپورت قايراتكەرلەرى كوروناۆيرۋسپەن جۇمىلا كۇرەسۋگە شاقىردى

نۇر- سۇلتان. قازاقپارات - ينتەلليگەنسيا وكىلدەرى، مادەنيەت جانە سپورت قايراتكەرلەرى كوروناۆيرۋس ينفەكسياسىنىڭ الدىن الۋ ءۇشىن قاۋىپسىزدىك ەرەجەلەرىن ۇستانۋعا شاقىرىپ، ۆيدەو جاريالادى، دەپ حابارلايدى قازاقپارات.

ۆيدەو پرەزيدەنت قاسىم- جومارت توقايەۆتىڭ ەل حالقىنا ۇندەۋىن قولداۋعا باعىتتالعان. ولاردىڭ ايتۋىنشا، كوروناۆيرۋس ينفەكتسياسىنىڭ تارالۋىنا جول بەرمەۋ ماقساتىندا مەملەكەتتىك ورگاندار تاراپىنان اۋقىمدى شارالار قابىلدانۋدا جانە بۇل قيىندىقتى بىرلەسە وتىرىپ ەڭسەرەتىن بولامىز.

«قازاقتا ءسوز بار «ساقتانساڭ، ساقتايمىن» دەگەن. بۇل ىندەتكە قارسى ەل، مەملەكەت بولىپ قورعانۋىمىز قاجەت. مۇنداي كەزدە ساسقالاقتاپ، ۇشقالاقتىققا ۇرىنىپ، ىندەتتى كۇشەيتىپ الماۋىمىز كەرەك. بارىنشا تارتىپكە باعىنىپ، دارىگەرلەردىڭ ايتقان نۇسقاۋلىعىن ورىندايىق. بۇل قيىندىقتى دا بىرىگە وتىرىپ ەڭسەرەمىز» ، - دەدى اقىن نەسىپبەك ايت ۇلى.

«بارىس» حوككەي كومانداسىنىڭ شابۋىلشىسى رومان ستارچەنكو ءوز جانكۇيەرلەرىنە وسىناۋ قيىن كەزدە ءبىر- بىرىنە قولداۋ كورسەتۋگە شاقىردى. «بۇل - كوروناۆيرۋس پاندەمياسىنا وراي قابىلدانعان ۋاقىتشا شارا. ءبىز قاشاندا سىزدەردىڭ قولداۋلارىڭىزدى سەزىنىپ كەلەمىز. ءبىز جاقسى ويىن كورسەتىپ، سىزدەردى قۋانتقىمىز كەلەدى. وسى كەزەڭدە ءبىزدى، ءبىر- بىرلەرىڭىزدى قولداڭىزدار» ، - دەيدى حوككەيست ر. ستارچەنكو.

قازاقستاننىڭ ەڭبەك سىڭىرگەن سپورت شەبەرى، وليمپيادا ويىندارىنىڭ جۇلدەگەرى گيۋزەل مانيۋروۆا مەملەكەت تاراپىنان قابىلدانعان شارالاردى قولداۋعا شاقىردى. ونىڭ سوزىنشە، بارلىق سپورتتىق شارالار توقتاتىلدى. الايدا، بۇعان قاراماستان ءبىزدىڭ سپورتشىلار سايىستاردا جاقسى ناتيجەلەر كورسەتۋ ءۇشىن جاتتىعىپ جاتىر. «قۇرمەتتى دوستار، قازىر كوروناۆيرۋس الەمنىڭ كوپتەگەن ەلىندە تارالۋدا. مەن ءبىزدىڭ ەلىمىزدە بۇل ىندەتتى جەڭەتىنىنە سەنەمىن. جەكە تازالىقتى ساقتاڭىزدار. قيىندىقتى تەك بىرلەسە وتىرىپ عانا ەڭسەرەمىز» ، - دەپ اتاپ ءوتتى گ. مانيۋروۆا.




:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات