ق ر س ءى م توتەنشە جاعداي تۋرالى: شەت ەلدەردە جۇرگەن وتانداستارىمىز قازاقستانعا كىرە الادى

نۇر-سۇلتان. قازاقپارات - ق ر س ءى م رەسمي وكىلى ايبەك سمادياروۆ ق ر اۋماعىنا كىرۋگە شەكتەۋ قويۋعا قاتىستى تۇسىنىكتەمە بەردى، دەپ حابارلايدى قازاقپارات ءتىلشىسى.

«شەكتەۋ - بۇل تىيىم سالۋ ەمەس. شەت ەلدەردە جۇرگەن ءبىزدىڭ وتانداستارىمىز قازاقستانعا كىرە الادى. بۇل شەكتەۋلەر نەگىزىنەن شەت مەملەكەتتەردىڭ ازاماتتارىنا قاتىستى قولدانىلادى»، - دەپ حابارلايدى ق ر سىرتقى ىستەر مينيسترلىگىنەن.

ايتا كەتسەك بۇگىن قازاقستان رەسپۋبليكاسىندا توتەنشە جاعداي ەنگىزىلدى. بۇل تۋرالى جارلىققا ق ر پرەزيدەنتى قول قويدى. جارلىققا سايكەس ويىن-ساۋىق ورتالىقتارىنىڭ، كينوتەاترلار مەن تەاترلاردىڭ جۇمىسى توقتاتىلىپ، قازاقستان رەسپۋبليكاسىنا كەلەتىن حالىقارالىق ۇيىمدار دەلەگاتسيالارىنىڭ مۇشەلەرىن قوسپاعاندا ەل اۋماعىنا كولىكتىڭ بارلىق تۇرلەرىمەن كىرۋگە، سونداي-اق ونىڭ اۋماعىنان شىعۋعا شەكتەۋلەر بەلگىلەندى.