رەسەي جانە قىرعىزستان شەكاراسىنان ىشكى قۇجاتپەن وتۋگە نەلىكتەن شەكتەۋ قويىلدى – ق ر س ءى م

None
None
نۇر-سۇلتان. قازاقپارات – ق ر سىرتقى ىستەر مينيسترلىگى COVID-2019 كوروناۆيرۋسىنىڭ تارالۋىنا بايلانىستى قازاقستان- رەسەي، قازاقستان- قىرعىز مەملەكەتتىك شەكاراسىن ىشكى قۇجاتپەن وتۋگە ۋاقىتشا شەكتەۋ قويۋ تۋرالى شاراسىن ءتۇسىندىردى، دەپ حابارلايدى قازاقپارات مينيسترلىكتىڭ رەسمي سايتىنا سىلتەمە جاساپ.

2020 -جىلدىڭ 11-ناۋرىز ايىندا دۇنيەجۇزىلىك دەنساۋلىق ساقتاۋ ۇيىمى (د د س ۇ) جاڭا COVID-2019 ۆيرۋسىن پاندەميا دەپ جاريالادى. ول - جاڭا اۋرۋدىڭ دۇنيەجۇزىلىك اۋقىمدا تارالۋىن بىلدىرەدى. COVID-2019 كوروناۆيرۋسىنىڭ قازاقستان تەرريتورياسىنا ءوتۋىن بارىنشا ازايتۋ، ۇلتتىق قاۋىپسىزدىك پەن حالىقتىڭ دەنساۋلىعىن ساقتاۋ ءۇشىن قازاقستان رەسپۋبليكاسىنىڭ ۇكىمەتى قازاقستان- رەسەي، قازاقستان- قىرعىز مەملەكەتتىك شەكاراسىن ءوتۋ كەزىندە قازاقستان رەسپۋبليكاسىنىڭ ازاماتتارى ءۇشىن (جەكە كۋالىك، تۋۋ تۋرالى كۋالىك)، رەسەي فەدەراتسياسى ازاماتتارى ءۇشىن (ر ف ازاماتىنىڭ پاسپورتى)، قىرعىز رەسپۋبليكاسى ازاماتتارى ءۇشىن (ID كارتا) ىشكى قۇجاتتاردىڭ قولدانىلۋىن ۋاقىتشا شەكتەۋ تۋرالى شەشىم قابىلدادى.

سونىمەن قاتار، بۇگىنگى كۇنى رەسەي فەدەراتسياسى تەرريتورياسىنداعى قازاقستان رەسپۋبليكاسىنىڭ ازاماتتارى مەن قازاقستان رەسپۋبليكاسى تەرريتورياسىنداعى رەسەيلىك ازاماتتار، سونداي-اق قىرعىز رەسپۋبليكاسى تەرريتورياسىنداعى قازاقستان رەسپۋبليكاسىنىڭ ازاماتتارى مەن قازاقستان رەسپۋبليكاسى تەرريتورياسىنداعى قىرعىز رەسپۋبليكاسىنىڭ ازاماتتار ەلگە كەلگەن كەزدە قولدانعان قۇجاتتارىمەن ەش شەكتەۋسىز ءوز ەلدەرىنە قايتا الادى. COVID-2019 كوروناۆيرۋسى تارالۋىنىڭ باسەڭدەۋىنە قاراي قازاقستان- رەسەي، قازاقستان- قىرعىز مەملەكەتتىك شەكارالارىن ءوتۋ ءتارتىبى ءوز قالپىنا كەلەدى.

«قازاقستان- رەسەي، قازاقستان- قىرعىز مەملەكەتتىك شەكارالارىن ءوتۋ كەزىندە ىشكى قۇجاتتاردىڭ قولدانىلۋىن ۋاقىتشا شەكتەۋگە باعىتتالعان شارالارعا تۇسىنىستىكپەن قاراۋعا شاقىرامىز. قازاقستان- رەسەي، قازاقستان- قىرعىز مەملەكەتتىك شەكاراسىن ءوتۋ ءتارتىبى قازاقستان رەسپۋبليكاسى ازاماتتارىندا شەتەل ءتولقۇجاتى، رەسەي فەدەراتسياسىنىڭ جانە قىرعىزستان رەسپۋبليكاسى ازاماتتارىندا شەتەل ءتولقۇجاتى بار بولعان جاعدايدا اشىق بولىپ قالا بەرمەك»، - دەلىنگەن حابارلامادا.


سوڭعى جاڭالىقتار