+7 (701) 759 90 19
34 °С : نۇر-سۇلتان
32 °С : الماتى
USD 414.13 EUR 451.40
RUB 5.80 CNY 58.03
جاڭالىقتار

شەتەلگە تۋرپاكەت پەن اۋە بيلەتىن ساتىپ العان ازاماتتارعا اقشاسى قايتارىلا ما

14 ناۋرىز 11:51
:ءبولىسۋ
شەتەلگە تۋرپاكەت پەن اۋە بيلەتىن ساتىپ العان ازاماتتارعا اقشاسى قايتارىلا ما

نۇر-سۇلتان. قازاقپارات - مادەنيەت جانە سپورت ءمينيسترى اقتوتى رايىمقۇلوۆا تۋريستىك ماقساتتا الدىن الا الىنعان بيلەتتەردىڭ اقشاسى يەلەرىنە تولىعىمەن قايتارىلاتىنىن مالىمدەدى، دەپ حابارلايدى قازاقپارات ءتىلشىسى.

«ءبىزدىڭ بيلەت العان ازاماتتاردىڭ بۇگىن وزدەرىنىڭ بيلەتتەرىن كاسسالارعا، العان جەرلەرىنە وتكىزۋىنە مۇمكىندىك بار. ولاردىڭ اقشالارى قايتارىپ بەرىلەدى. تۋريستەر ماسەلەسى دە كۇردەلى سۇراق. ءبىزدىڭ ازاماتتارىمىز شەتەلگە شىعاتىنداي الدىن الا بيلەتتەرىن الىپ الادى. اۋە بيلەتتەرى مەن وزدەرىنىڭ تۋريستىك جولدامالارىن دا الدىن الا الادى. بۇگىن دە بۇل ماسەلەنى بىرنەشە ساتىعا ءبولىپ وتىرمىز. ءبىرىنشى ساتى - تۋريستەردىڭ اۋە بيلەتتەرى. ازاماتتىق اۆياتسيا كوميتەتىنەن ۇسىنىس ءتۇستى. ءبىزدىڭ تۋريستەردىڭ العان اۋە بيلەتتەرىنىڭ ءبارىن قارجىلارىن ۇستاماي، ايىپپۇلدار الماي 100 پايىز قايتارۋعا مۇمكىندىك بەرىلەدى»، - دەدى اقتوتى رايىمقۇلوۆا و ك ق-دا وتكەن باسپا ءسوز ءماسليحاتىندا.

مينيستر تۋريستىك پاكەتتەر جايلى ءسوز قوزعاي كەلە «قامقور» اتتى قور بارىن ەسكە سالدى. سول قوردىڭ ءوزىنىڭ جينالعان قارجىسىنا وراي وسى تۋرپاكەتتەرگە قاتىستى اگەنتتىكتەرمەن، وپەراتورلارمەن جۇمىس جۇرگىزىلۋدە.

«ەڭ الدىمەن وسى «قامقور» قورىندا تۋريستىك اگەنتتىكتەر مەن وپەراتورلار وسى قوردىڭ مۇشەلىگىندە بولۋى كەرەك. ەكىنشى جاعداي - بۇگىنگى كۇندە «اتامەكەن» پالاتاسىمەن اقىلداسىپ جاتىرمىز. وسى تۋريستىك اگەنتتىكتەر مەن وپەراتورلاردىڭ قارجىلىق شىعىندارىن ورنىنا كەلتىرۋ ءۇشىن قانداي دا ءبىر شارالار قاراستىرىلۋدا. سونىمەن قاتار، تۋريستىك پاكەتتەردى العاندا ونىڭ ەكى بولىگى بار. ونىڭ بىرەۋى اۋە بيلەتى، ەكىنشىسى قوناقۇيدە جاتۋ. ول، ارينە، ەڭ الدىمەن تۋرپاكەتتى الىپ جاتقان ازامات پەن وپەراتوردىڭ اراسىنداعى قارىم- قاتىناس شارتتارىنا بايلانىستى بولىپ وتىر. سوندىقتان، ءاربىر ازامات وسى قارىم- قاتىناس شارتتارىنا قول قويعاندا ءىشىن قاراپ وقىپ، ءوز قارجىلارىن الادى دەپ ويلايمىز»، - دەدى ول.

ەسكە سالا كەتسەك، دەنساۋلىق ساقتاۋ ءمينيسترى 14 -ناۋرىزدا ەلوردادا وتكەن باسپا ءسوز ءماسليحاتىندا ەلجان ءبىرتانوۆ قازاقستاندا ەكى ادامنىڭ كوروناۆيرۋس جۇقتىرعانىن جەتكىزگەن ەدى. كوپ وتپەي ميلان قالاسىنان نۇر-سۇلتانعا كەلگەن تاعى ءبىر قازاقستاندىقتان كوروناۆيرۋس ينفەكسياسى تابىلدى. كەيىن گەرمانيادان ۇشىپ كەلگەن قازاقستاننىڭ تاعى ءبىر ازاماتىنان كوروناۆيرۋس انىقتالدى. وسىلايشا بۇل دەرتكە شالدىققاندار سانى 4 ادامعا جەتكەن ەدى.

اۆتور: ايان بەكەن ۇلى


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات