اسحات ايماعامبەتوۆ: بالاباقشالار ازىرگە جۇمىسىن توقتاتپايدى
«ءبىلىم جانە عىلىم سالالارىندا الدىن الۋ شارالارى قابىلداندى. بعم ءتيىستى بۇيرىعى شىعىپ، ونى بارلىق ءبىلىم بەرۋ ۇيىمى مەن وبلىستاردىڭ ءبىلىم باسقارمالارىنا جەتكىزدىك. سول بۇيرىقتا ەڭ باستى تاپسىرمالار بەرىلدى. ەڭ بىرىنشىدەن، بالاباقشالارعا توقتالار بولساق، الدىن الا اقپارات بەرگەندەي، بالاباقشالار ازىرگە جۇمىسىن توقتاتپايدى. ءبىراق ءبىز اتا- انالاردىڭ مۇمكىندىكتەرىنە قاراي، بالاباقشاعا بارماۋدى (اپارماۋدى - اۆت. ) ۇسىنامىز. مۇنىڭ الدىندا بۇيرىققا سايكەس بالا بىرنەشە كۇن بويى بالاباقشاعا كەلمەسە، شىعارىلاتىنى تۋرالى نورما بار ەدى. ءبىز ءقازىر ول نورمانى الىپ تاستادىق»، - دەدى اسحات ايماعامبەتوۆ.
ءبىلىم جانە عىلىم ءمينيسترى قازىرگى ۋاقىتتا بالانى بالاباقشاعا اكەلمەسە دە ورنى ساقتالاتىنىن جەتكىزدى.
ەسكە سالا كەتسەك، دەنساۋلىق ساقتاۋ ءمينيسترى 14-ناۋرىزدا ەلوردادا وتكەن باسپا ءسوز ءماسليحاتىندا ەلجان ءبىرتانوۆ قازاقستاندا ەكى ادامنىڭ كوروناۆيرۋس جۇقتىرعانىن جەتكىزگەن ەدى. كوپ وتپەي ميلان قالاسىنان نۇر-سۇلتانعا كەلگەن تاعى ءبىر قازاقستاندىقتان كوروناۆيرۋس ينفەكتسياسى تابىلدى. كەيىن گەرمانيادان ۇشىپ كەلگەن قازاقستاننىڭ تاعى ءبىر ازاماتىنان كوروناۆيرۋس انىقتالدى. وسىلايشا بۇل دەرتكە شالدىققاندار سانى 4 ادامعا جەتكەن ەدى.