كوكشەتاۋدا قىتايدان كەلگەن قانداستار تۇرىپ جاتقان ۇيلەر جوندەۋگە مۇقتاج - اكىمدىك
كەڭەس وتىرىسىندا ق ر ءبىلىم جانە عىلىم مينيسترلىگى تاراپىنان شەت ەلدەردەگى ەتنيكالىق قازاقتارعا وقۋلىقتار مەن ادەبي كىتاپتار جىبەرۋ، اقمولا وبلىسىنىڭ كراسنىي يار، ش ق و شىعىس اۋىلىنداعى شەتەلدەن كوشىپ كەلگەن قانداستارىمىزعا بەرىلگەن ارەندالىق ءۇيدىڭ بۇگىنگى جاعدايى جانە رەپاترياتسيانى ىنتالاندىرۋ (ءۇي- جايمەن، جەر تەلىمدەرىمەن، كوتەرمە قارجىلارمەن قامتۋ) ماسەلەلەرى قوزعالدى.
شەتەلدەگى قانداستارىمىزعا ارنالعان كىتاپ دايىنداۋدا قاجەتتى وقۋلىقتارعا ءالى دە باسىمدىق بەرىلمەگەنى ايتىلدى. قوعامدىق كوميسسيا مۇشەلەرى قاجەتسىز كىتاپ شىعارۋ جوباسىن قىسقارتىپ، قانداستار تۇراتىن مەملەكەتتەرمەن كەلىسۋ ارقىلى سۇرانىسقا ساي كىتاپ شىعارىلسا دەگەن ويلارىن جەتكىزدى.
اتاجۇرتقا كەلىپ ءورىسى كەڭىگەن اعايىننىڭ وسىدان 5-10 جىل بۇرىن قۋانىشى ەسەلەنگەن ەدى. كراسنىي يار مەن شىعىس اۋىلىنان 2-3 بولمەلى ءۇي الىپ، قونىس تويىن تويلاعان جۇرتتىڭ شاتتىعى ۇزاققا سوزىلمادى. شارشى مەترىنە - 88 تەڭگە، ورتا ەسەپپەن ءبىر ءۇيدىڭ ايلىق ارەندالىق قۇنى 6866 تەڭگە بولىپ باعالانعان. بۇگىنگى كۇندە 276 وتباسى ساپاسىز سالىنعان ۇيلەردىڭ ارەندالىق قۇنى ءۇشىن مەملەكەتكە 73,4 ميلليون تەڭگە قارىز. تۇرعىندار ساپاسىز سالىنعان ۇيلەر ءۇشىن ارەندالىق اقشانى تولەۋدەن باس تارتىپ وتىر.
«2019 -جىلى قاراشا ايىندا ارىپتەستەرىمىزبەن كوكشەتاۋ قالاسى، كراسنىي يار اۋىلىنداعى ۇيلەردى كوزىمىزبەن كوردىك. كۇن ەندى سۋىتا باستاعان ەدى. 10-15 ءۇيدى ارالادىق. ۇيلەردىڭ جالپى جاعدايى ادام ايتقىسىز دارەجەگە جەتكەن. ءۇي قابىرعالارى وتە جۇقا، ىرگەتاسى جوق، ەدەندەرىنە قاراقاعاز توسەلگەن. توبە جاقتاۋلارى وتە جۇقا سالىنعان. 2009-2010 -جىلدارى «نۇرلى كوش» باعدارلاماسىمەن سالىنعان ۇيلەردىڭ اربىرىنە سول كەزدەگى دوللار باعامىمەن 59 مىڭ دوللار قارجى جۇمسالعان. وسى ۇيلەردىڭ ساپاسىز سالىنعانىن، قارجىنىڭ تالان- تاراجىعا تۇسكەنىن ايتىپ، ءبىر توپ دەپۋتات ۇكىمەت باسشىسى اسقار ۇزاقباي ۇلىنا دەپۋتاتتىق ساۋال جىبەردىك. بۇل ماسەلەنى شەشۋدىڭ ءبىر جولى - بارلىق ءۇيدى جەرىمەن بىرگە جەكەشەلەندىرىپ بەرۋ قاجەت»، - دەدى قوعامدىق كوميسسيا مەن ق ر پارلامەنتى سەناتىنىڭ الەۋمەتتىك - مادەني دامۋ جانە عىلىم كوميتەتىنىڭ ءتوراعاسى مۇرات باقتيار ۇلى.
قوعامدىق كوميسسيا وتىرىسىنا كوكشەتاۋ قالاسى اكىمىنىڭ ورىنباسارى بەيبىت ءجۇسىپوۆ قاتىسىپ، كوميسسيا مۇشەلەرى قويعان سۇراقتارعا جاۋاپ بەردى.
«قازىرگى ۋاقىتتا 137 تۇرعىن ءۇيدىڭ 35 ءى كۇردەلى جوندەۋدى جانە 102 اعىمداعى جوندەۋدى قاجەت ەتەدى. كوكشەتاۋ قالاسى اكىمدىگى شاعىناۋداندا سالىنعان تۇرعىن ۇيلەردى تەحنيكالىق تەكسەرۋ ءۇشىن قارجى بولەدى. تەكسەرۋ جۇرگىزۋگە 2020 -جىلى بارلىعى 15,7 ميلليون تەڭگە ءبولۋ جوسپارلانعان. شىلدە ايىنا دەيىن تۇرعىندارعا ءۇيى مەن جەرىنىڭ جاڭا قۇجاتىن دايىنداپ بەرۋ جۇمىستارى باستالدى»، - دەيدى كوكشەتاۋ قالاسى اكىمىنىڭ ورىنباسارى بەيبىت ايتىم ۇلى.
قىتايدان كەلگەن قانداسىمىز راحىم ايىپ ەلگە كەلەتىن قانداستارىمىزدىڭ باسىم بولىگى ەگىنشى- مالشى ەكەنىن العا تارتتى. وسى ورايدا الداعى ۋاقىتتا «شارۋاشىلىقپەن اينالىسقىسى كەلەتىن ازاماتتار ءۇشىن مەملەكەت جەر بەرە الا ما؟» دەگەن سۇراعىن قويدى. اۋىل شارۋاشىلىعى مينيسترلىگىنەن كەلگەن جاۋاپتى قىزمەتكەر اقمولا، شىعىس قازاقستان، پاۆلودار، قوستاناي وبلىستارىندا مەملەكەت يەلىگىندە جەر بار ەكەنىن، شارۋاشىلىقپەن اينالىسقىسى كەلگەن قانداستارعا جەر بەرىلەتىنىن جەتكىزدى.
