قازاقستان فۋتبول فەدەراتسياسى سپورتتىق ءىس-شارالاردى توقتاتتى

نۇر-سۇلتان. قازاقپارات - قازاقستان فۋتبول فەدەراتسياسى COVID-19 كوروناۆيرۋس ينفەكتسياسىنىڭ تارالۋىنا بايلانىستى فۋتبول، فۋتزال، ايەلدەر فۋتبولى، بالالار مەن جاس وسپىرىمدەر، بۇقارالىق فۋتبول، ارداگەرلەر اراسىندا جارىستاردى، سونىمەن قاتار، ءبىلىم بەرۋ سەمينارلارى مەن ءارتۇرلى فورۋمداردى وتكىزۋدى توقتاتۋ جونىندە شەشىم قابىلدادى، دەپ حابارلايدى قازاقپارات.

پرەمەر-ليگا كوماندالارى اراسىنداعى OLIMPBET- قازاقستان چەمپيوناتى مەن ق ر كۋبوگىنىڭ ويىندارى كۇنتىزبەگە سايكەس وتەدى. الايدا، جانكۇيەرلەر ءۇشىن ستاديونداردىڭ ەسىگى جابىق بولادى.

OLIMPBET- قازاقستان چەمپيوناتى مەن ق ر كۋبوگىنىڭ ويىندارىنا جارىسقا قاتىسۋشىلارمەن قاتار، رەسمي تۇلعالار مەن ستاديون قىزمەتكەرلەرى قاتىسادى.

ويىندارعا ب ا ق وكىلدەرى دە قاتىسپايدى. تەك كورسەتىلىم جۇمىستارىمەن اينالىساتىن ارنايى توپ جۇمىس ىستەيدى.

پروفيلاكتيكالىق شارانى توقتاتۋ جونىندە قوسىمشا حابارلانادى.