اكتەر توم حەنكس پەن ونىڭ جۇبايى كوروناۆيرۋس جۇقتىرىپ الدى

نۇر- سۇلتان. قازاقپارات - اكتەر توم حەنكس زايىبى ريتا ۋيلسونمەن بىرگە اۆستراليادا كوروناۆيرۋسقا تاپسىرعان سىناماسىنىڭ قورىتىندىسى وڭ بولعانىن ايتىپ بەردى، دەپ جازادى BBC .

63 جاستاعى حەنكس پەن ونىڭ زايىبى كۆيسلەندتە سۋىق تيۋ بەلگىلەرى پايدا بولعان سوڭ، مەديتسينالىق كومەككە جۇگىنگەن. بۇل تۋرالى اكتەر ينستاگرامداعى پاراقشاسىندا جازدى.

ەندى ولار ۇيدەگى كارانتيندە وتىراتىن بولادى.

اكتەر مەن ونىڭ زايىبى كۆيسلەندتىڭ التىن جاعالاۋىندا ۋاقىت وتكىزگەن. بۇل جەردە حەنكس ەلۆيس پرەسلي تۋرالى فيلمدى ءتۇسىرۋ جۇمىستارىنا قاتىستى.

حەنكس ينستاگرامدا: «ءبىز ءوزىمىزدى ازداپ شارشاعانداي سەزىندىك. سۋىق تيۋ بەلگىلەرى پايدا بولىپ، دەنەمىز اۋىردى. ريتا ازداپ قالتىراپ ءجۇردى. سونداي- اق، دەنە قىزۋىمىز دا بولعان. كوروناۆيرۋسقا تەست تاپسىرساق، ولار وڭ بولىپ شىقتى» دەپ جازعان.

حەنكس ايەلى ەكەۋىنىڭ جاعدايى تۋرالى بارلىعىن حاباردار ەتىپ وتىراتىنىن جانە ۇيدەگى كارانتيندە قاجەتتى ۋاقىت وتكەنشە وتىراتىنىن حابارلادى