+7 (701) 759 90 19
8 °С : نۇر-سۇلتان
11 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

بوكستان وليمپيادالىق ىرىكتەۋ تۋرنيرى: ءابىلحان امانقۇل «كۇمىس» الدى

12 ناۋرىز 07:35
:ءبولىسۋ
بوكستان وليمپيادالىق ىرىكتەۋ تۋرنيرى: ءابىلحان امانقۇل «كۇمىس» الدى

اممان. قازاقپارات - يوردانيانىڭ اممان قالاسىندا ءوتىپ جاتقان بوكستان وليمپياداعا ىرىكتەۋ تۋرنيرىندە ەل قورجى ەكىنشى كۇمىس مەدالمەن تولىقتى، دەپ حابارلايدى قازاقپارات ءتىلشىسى.

75 كەلى سالماقتا سىنعا تۇسكەن ءابىلحان امانقۇل تۋرنير فينالىندا فيليپپيندىك ەۋمير مارسيالمەن جۇدىرىقتاسىپ، جەڭىلىپ قالدى.

التىن ءۇشىن ايقاستا قوس بوكسشى دا ايانىپ قالعان جوق. اسا تارتىستى وتكەن جەكپە- جەك قورىتىندىسىندا تورەشىلەر ءبىر اۋىزدان فيليپپيندىك بوكسشىنى جەڭىمپاز دەپ تاپتى.

وسىلايشا، فينالعا شىققان ءتورت بوكسشىمىزدىڭ ەكەۋى التىنعا سىنىق سۇيەم قالعاندا ءسۇرىنىپ، كۇمىستى قاناعات تۇتتى.

ەستەرىڭىزگە سالا كەتسەك، ءابىلحان امانقۇل كەشە جارتىلاي فينالدا قىتاي ەلىنىڭ نامىسىن قورعاپ جۇرگەن، سول ەلدە تۇراتىن قانداسىمىز تاڭاتحان توقتاربەكتى ۇتىپ، فينالعا جولداما العان بولاتىن.

ەندى، «التىن» مەدال ءۇشىن شارشى الاڭعا شىعاتىن ەكى بوكسشىمىز قالدى. ولار - 81 كەلى سالماقتا بەكزات نۇرداۋلەتوۆ پەن 91 كەلى سالماقتا سىنعا تۇسەتىن ۆاسيلي لەۆيت.

ايتا كەتسەك، وسىعان دەيىن 63 كەلى سالماقتا زاكىر سافيۋللين كۇمىس مەدال جەڭىپ العانىن جازعان بولاتىنبىز.

اۆتور: كۇنسۇلتان وتارباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات