قازاقستاندىق تاەكۆوندوشىلار بەلگيادا وتەتىن تۋرنيردەن باس تارتتى

نۇر-سۇلتان. قازاقپارات - قازاقستاندىق تاەكۆوندوشىلار بەلگيانىڭ لوممەل قالاسىندا وتەتىن رەيتينگتىك «Belgian Open G-2» جارىسىنان باس تارتتى، دەپ حابارلايدى قازاقپارات ءتىلشىسى.

ق ر ۇلتتىق وليمپيادالىق كوميتەتى حابارلاعانداي، اتالعان دوداعا قازاقستاننان 13 سپورتشى قاتىسادى دەپ جوسپارلانعان.

ولار: ەلدوس ىسقاق، ءالىمجان سەرىكبايەۆ، ەلدار ءبىرىمباي، قايرات سارىمساقوۆ، ابدۋسامات لەس، نۇرقانات قوجاحمەت، نۇرلان مىرزابايەۆ، راحىم ءادىلحان، سمايىل دۇيسەباي، رۋسلان جاپاروۆ، دەنيس جانسەل جانە سامات تەمىرحان.

الايدا، قىتايدىڭ ۋحان قالاسىندا پايدا بولىپ، كەيىن جارتى الەمگە جايىلعان اسا قاۋىپتى كوروناۆيرۋس ەپيدەمياسىنىڭ تارالۋىنا بايلانىستى قازاقستاندىق سپورتشىلار اتالعان جارىسقا قاتىسۋدان باس تارتقان.

نەگىزى، «Belgian Open G-2» تۋرنيرى - ماڭىزدى دودالاردىڭ ءبىرى. بۇل جارىستا جەڭىمپاز جانە جۇلدەگەرلەرگە بەرىلگەن ۇپاي ساندارى وليمپيادالىق رەيتينگكە قوسىلادى.

اۆتور: كۇنسۇلتان وتارباي