ديماشتى كيەۆتەگى جانكۇيەرلەرى اۋەجايدان قازاقشا حابارلاندىرۋمەن قارسى الدى
بۇل تۋرالى قازاقپارات dimashnews.com سايتىنا سىلتەمە جاساپ حابارلايدى.
كوپشىلىكتىڭ قولدارىندا قازاقستان مەن ۋكراينانىڭ جالاۋلارى، انشىگە شىن پەيىلدەرىمەن ۇسىنعىسى كەلەتىن گۇلدەرى مەن سىيلىقتارى بار. ال ءانشىنىڭ جانارى «دايديداۋ» ءانى سەگىز جىلدان كەيىن ۋكرايناعا ورالدى!» دەگەن جازۋى بار ۇلكەن پلاكاتقا ءتۇستى. دەمەك، كورەرمەندەر كيەۆتەگى كونسەرتتى شىنىمەن كۇتكەن ەكەن.
جانكۇيەرلەر دە ديماشتى قازاق تىلىندە: «ديماش قۇدايبەرگەن، كيەۆ قالاسىنا قوش كەلدىڭىز!» دەپ تازا ءارى ەش اكسەنتسىز ۇرانمەن كۇتىپ الدى. ولار، سونىمەن قاتار انشىگە وتە سيمۆوليكالىق سىيلىق - گەتمان كۇشىنىڭ نىشانى بولىپ تابىلاتىن زەرلى ماتا سىيلادى.
«ءسىزدىڭ ءانىڭىز بەن داۋىسىڭىز ءبىزدىڭ جۇرەگىمىز بەن سانامىزدى ەشقاشان وشپەيتىندەي جاۋلاپ الدى. بۇل كەستەلى ماتا ءسىزدىڭ شىعارماشىلىعىڭىزدىڭ ءبىزدىڭ جۇرەگىمىزدەگى ورنىنىڭ بەلگىسى بولىپ قالسىن»، - دەدى جانكۇيەرلەر ديماشقا قۋانىشپەن.
