ەلوردادا مەملەكەتتىك قىزمەتكەرلەرگە اعىلشىن ءتىلى وقىتىلادى
مەملەكەت باسشىسىنىڭ ەلوردا تۇرعىندارى مەن قوناقتارىنا تىلدىك ورتا قالىپتاستىرۋ بويىنشا ءىس- شارالار قابىلداۋ تۋرالى تاپسىرماسىنا سايكەس وتكەن جىلى ق ر سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى جانە «استانا» حالىقارالىق قارجى ورتالىعى اراسىندا ىنتىماقتاستىق تۋرالى مەموراندۋم جاسالدى. ول بويىنشا ءبىرقاتار ءىس-شارالاردى وتكىزۋ جوسپارلانعان.
سونىڭ ءبىرى - اقپان ايىنان باستاپ شەتەلدىك ينۆەستورلار مەن ىسكەر تۋريستەر ءۇشىن بارلىق مەملەكەتتىك جانە قالالىق قىزمەت كورسەتەتىن مەملەكەتتىك ورگانداردىڭ، كۆازيمەملەكەتتىك قۇرىلىمداردىڭ قىزمەتكەرلەرىنە اعىلشىن ءتىلىن وقىتۋ.
وسى ماقساتتا تىلدەردى دامىتۋ جانە ارحيۆ ءىسى باسقارماسى «رۋحانيات» كمم- نىڭ ۇيىمداستىرۋىمەن ناۋرىز ايىنان باستاپ حقكو، دەنساۋلىق ساقتاۋ مەكەمەلەرىنىڭ، اۋدان اكىمدىكتەرىندەگى «فرونت- وفيستەردىڭ»، «IQala « ورتالىعىنىڭ قىزمەتكەرلەرىنە (بارلىعى 118 تىڭداۋشىعا) اعىلشىن ءتىلى كۋرستارى باستالدى.
كۋرس شىلدە ايىنا دەيىن اپتاسىنا ءۇش رەت وقىتىلادى. كۋرس سوڭىندا قورىتىندى تەست الىنىپ، سەرتيفيكات بەرىلەدى.