وليمپيادالىق ىرىكتەۋ ءتۋرنيرى: ءتورتىنشى قازاقستاندىق بوكسشى فينالعا شىقتى

نۇر-سۇلتان. قازاقپارات - بۇگىن يوردانيانىڭ اممان قالاسىندا ءوتىپ جاتقان بوكستان وليمپياداعا ىرىكتەۋ تۋرنيرىنىڭ فينالىنا 4 قازاقستاندىق بوكسشى شىقتى، دەپ حابارلايدى قازاقپارات ءتىلشىسى.

قازاق بوكسشىلارى اراسىنان 81 كەلى سالماقتا ەل نامىسىن قورعاپ جاتقان وتانداسىمىز بەكزات نۇرداۋلەتوۆ ءتورتىنشى بوكسشى بولىپ فينالعا ءوتتى. ول جارتىلاي فينالدا يوردانيالىق ودا ءال حينداۆيمەن قولعاپ ءتۇيىستىرىپ، تورەشىلەردىڭ شەشىمىمەن جەڭىسكە جەتتى.

بەكزات ليتسەنزيالىق تۋرنيردە فينالعا جولداما العان ءتورتىنشى قازاقستاندىق بوكسشى اتانىپ وتىر.

بۇعان دەيىن زاكىر سافيۋللين (63 كەلى)، ۆاسيلي لەۆيت (91 كەلى) جانە ءابىلحان امانقۇل (75 كەلى) اقتىق سىنعا وتكەن بولاتىن.

بۇگىن، سونداي-اق ايەلدەر بوكسىنان نادەجدا ريابەتس (75 كەلى)، ابىلايحان ءجۇسىپوۆ (69 كەلى) جانە سەرىك تەمىرجانوۆ (57 كەلى) اتالعان ءتۋرنيردىڭ قولا جۇلدەگەرى اتاندى.

اۆتور: كۇنسۇلتان وتارباي