+7 (701) 759 90 19
2 °С : نۇر-سۇلتان
11 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

بوكس: ءابىلحان امانقۇل قىتايداعى قانداسىن ۇتىپ، فينالعا شىقتى

11 ناۋرىز 07:41
:ءبولىسۋ
بوكس: ءابىلحان امانقۇل قىتايداعى قانداسىن ۇتىپ، فينالعا شىقتى

نۇر-سۇلتان. قازاقپارات - يوردانيانىڭ اممان قالاسىندا ءوتىپ جاتقان بوكستان وليمپياداعا ىرىكتەۋ تۋرنيرىنىڭ جارتىلاي فينالىندا قوس قازاق ءبىر-بىرىمەن قولعاپ ءتۇيىستىردى، دەپ حابارلايدى قازاقپارات ءتىلشىسى.

اتالعان وليمپيادالىق تۋرنيردە 75 كەلى سالماقتا وتانداسىمىز ءابىلحان امانقۇل جارتىلاي فينالعا شىققان بولاتىن. تۋرا وسى سالماقتا قىتاي ەلىنىڭ نامىسىن قورعاپ جۇرگەن، سول ەلدە تۇراتىن قانداسىمىز تاڭاتحان توقتاربەك تە وليمپيادا ويىندارىنا جولداما ۇتىپ، جارتىلاي فينالعا جولداما العان ەدى.

قوس قازاق اراسىنداعى ايقاس بىردەن تارتىستى باستالدى. ءبىرىنشى راۋند قورىتىندىسى بويىنشا 5 تورەشىنىڭ ۇشەۋى قىتايداعى قانداسىمىزدى جەڭىمپاز دەپ تاپسا، ەكەۋى قازاقستاندىق بوكسشىعا داۋىس بەردى.

ال ەكىنشى راۋندتا جەرلەسىمىز قارقىنىن ۇدەتىپ، تارازى باسىن وزىنە اۋداردى. تورەشىلەردىڭ شەشىمى بويىنشا 3:2 ۇپايمەن العا شىقتى.

سوڭعى شەشۋشى راۋندتا ەكى بوكسشى دا ايانىپ قالعان جوق، ءبىرى-بىرىنە الما-كەزەك سوققىلارىن وتكىزىپ جاتتى. ءبىر قاراعاندا تەڭ دارەجەدە وتكەن سياقتى كورىنگەنىمەن تورەشىلەردىڭ شەشىمىمەن قازاقستاندىق بوكسشى جەڭىمپاز اتاندى.

وسىلايشا، قىتايدىڭ نامىسىن قورعاپ جۇرگەن قانداسىمىز وليمپيادالىق ىرىكتەۋ تۋرنيرىنىڭ قولا جۇلدەگەرى اتانسا، ءابىلحان امانقۇل قازاق بوكسشىلارىنان ءۇشىنشى بولىپ فينالعا شىقتى.

ەستەرىڭىزگە سالا كەتسەك، وسىعان دەيىن ەرلەر اراسىندا 69 كەلى سالماقتا ابىلايحان ءجۇسىپوۆ پەن 57 كەلىگە دەيىنگى سالماقتا سەرىك تەمىرجانوۆ قولا مەدال جەڭىپ السا، 63 كەلىدە ەل نامىسىن قورعاپ جاتقان وتانداسىمىز زاكير سافيۋللين مەن 91 كەلى سالماقتاعى بوكسشىمىز ۆاسيلي لەۆيت فينالعا وتكەن بولاتىن.

اۆتور: كۇنسۇلتان وتارباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات