وليمپيادا جولدامالارى بويىنشا قاي وبلىس كوش باسىندا كەلەدى

نۇر-سۇلتان. قازاقپارات - توكيو وليمپياداسىنا ءدال قازىرگى ەسەپ بويىنشا الماتى وبلىسى 6 جولداما يەلەنىپ، كوش باستاپ كەلەدى، دەپ حابارلايدى قازاقپارات ءتىلشىسى.

ال، 4 جولداماسى بار الماتى قالاسى ەكىنشى ورىندا. سونداي-اق، نۇر-سۇلتان مەن شىمكەنت قالالارى 3 جولدامادان بولىسكەن.

وبلىستار اراسىندا اقتوبەلىكتەردىڭ ەنشىسىندە 3 جولداما بولسا، شىعىس قازاقستاندىقتاردا - ەكەۋ.

باتىس قازاقستان وبلىسى مەن قىزىلوردا سپورتشىلارى ءبىر-ءبىر جولدامادان يەلىك ەتكەن.

قالعان وڭىرلەر ازىرگە وليمپيادا ويىندارىنىڭ بىردە ءبىر جولداماسىن ەنشىلەي الماي وتىر.

ەستەرىڭىزگە سالا كەتەيىك، وسىعان دەيىن قازاق سپورتشىلارى وليمپيادا ويىندارىنا قانشا جولداما جەڭىپ العانى تۋرالى جازعان بولاتىنبىز.

اۆتور: كۇنسۇلتان وتارباي