قازاقستان قاي ەلدەردىڭ ازاماتتارىنا ءبىلىم گرانتتارىن ۇسىنادى
«قازاقستان ءبىلىم جانە عىلىم مينيسترلىگى مەن ازەربايجان ءبىلىم مينيسترلىگى اراسىنداعى 2017 -جىلدىڭ 3 - ساۋىرىندەگى كەلىسىمگە سايكەس 5 باكالاۆريات جانە 5 ماگيستراتۋرا گرانتىن ۇسىنادى. ياعني، ەكى ەل ءبىر- بىرىنە 10 گرانتتان بەرەدى»، - دەدى مينيسترلىكتىڭ باسپا ءسوز قىزمەتىنەن قازاقپارات تىلشىسىنە.
ايتا كەتەرلىگى، ازەربايجاننىڭ trend.az اقپارات اگەنتتىگى قازاقستاننىڭ ءبىلىم جانە عىلىم مينيسترلىگى ازەربايجان ازاماتتارى ءۇشىن 2020-2021 وقۋ جىلىنا باكالاۆيرات پەن ماگيستراتۋرا بويىنشا ستيپەنديالىق باعدارلاماسىن جاريالاعاندىعىن، ءبىلىم بەرۋ قازاق، ورىس جانە اعىلشىن تىلدەرىندە جۇرگىزىلەتىندىگىن جاريالاعان بولاتىن.
جالپى، ەلىمىزدىڭ ءبىلىم مينيسترلىگىنىڭ مالىمەتىنشە، مۇنداي كەلىسىم قازاقستان مەن قىتاي، ماجارستان، قىرعىزستان، بەلارۋس سىندى تاعى 12 ەلدىڭ اراسىندا بار. كەلىسىمگە سايكەس تاراپتار ءبىر- بىرىنە بىردەي ءبىلىم گرانتتارىن ۇسىنادى. مۇنان بولەك، اباي- ۆەرن باعدارلاماسى اياسىندا فرانسيا قازاقستان ءۇشىن ءبىرجاقتى 100 گرانت (90 ماگيستراتۋرا، 10 دوكتورانتۋرا) بولەدى. ال قازاقستان ءبىرجاقتى 30 گرانتتى اۋعانستان جاستارىنا بەرەدى.
اۆتور مارلان جيەمباي