12:40, 05 - ناۋرىز 2020 | GMT +6
توكيو وليمپيادا ويىندارى كەيىنگە شەگەرىلۋى مۇمكىن بە؟
نۇر-سۇلتان. قازاقپارات - حالىقارالىق وليمپيادا كوميتەتى توكيوداعى كەشەندى سىندى كەيىنگە شەگەرۋدى جوسپارلاپ وتىرعان جوق، دەپ حابارلايدى «حابار 24».
بۇل تۋرالى ۇيىم پرەزيدەنتى توماس باح مالىمدەدى.
شىعىس ازيا ايماعىندا كوروناۆيرۋس ىندەتىنىڭ كەڭ ەتەك جايۋىنا بايلانىستى سپورتتىق سايىستاردى توقتاتۋ جايىندا اڭگىمەلەر ايتىلا باستاعان ەدى.
وليمپيادانى ۇيىمداستىرۋشى تاراپ تا شۇعىل جيىن وتكىزىپ، قازىرگى جاعدايدى باقىلاپ وتىرعانىندارىن جەتكىزدى.
حالىقارالىق وليمپيادا كوميتەتى ويىنداردىڭ ۋاقىتىندا وتەتىنىنە سەنىمدى.
توماس باحتىڭ ايتۋىنشا، اتقارۋشى كوميتەتتىڭ وتىرىسىندا كەيىنگە شەگەرۋ ماسەلەسى تۋرالى ءسوز بولعان جوق. قازىر ارنايى جۇمىس توبى توكيوداعى ارىپتەستەرىمەن جاعدايدى قاداعالاپ وتىر. ولار ىندەت اۋىزدىقتالىپ، كۇردەلى احۋال رەتتەلەتىنىنە سەنىمدى.