كوروناۆيرۋس: وليمپيادا الاۋى ەستافەتاسىنا قاتىسۋشىلاردىڭ تەمپەراتۋراسى ۇنەمى تەكسەرىلەدى

None
None
نۇر-سۇلتان. قازاقپارات - كوروناۆيرۋستىڭ ورشۋىنە بايلانىستى توكيوداعى جازعى وليمپيادا ويىندارىنىڭ ۇيىمداستىرۋشىلارى وليمپيادا الاۋى ەستافەتاسىن شەكتەيدى، دەپ حابارلايدى قازاقپارات Kyodo اگەنتتىگىنە سىلتەمە جاساپ.

ەستافەتاعا ارنالعان شارالار قىسقارادى، ونىڭ كەزەڭدەرىندە قاراپايىم كورەرمەندەر شەكتەلەدى، جارىسقا قاتىسۋشىلاردىڭ تەمپەراتۋراسى ۇنەمى تەكسەرىلەدى. ەگەر قانداي دا اۋرۋ بەلگىلەرى تابىلسا، ولار جارىسقا قاتىسپايدى.

وليمپيادا الاۋى ەستافەتاسى 26- ناۋرىزدا فۋكۋسيما پرەفەكتۋراسىندا فۋتبول جاتتىعۋ ورتالىعىندا باستالىپ، 24- شىلدەدە توكيودا ويىننىڭ اشىلۋ كۇنىندە اياقتالۋى ءتيىس.

وليمپيادا الاۋىن جاعۋ، سونداي-اق گرەكياداعى ەستافەتا جوسپارلانعان سەناريمەن وتەدى. الايدا، كوروناۆيرۋس ەپيدەمياسىنا بايلانىستى قاۋىپسىزدىك شارالارى ساقتالادى. الاۋدى تۇتاندىرۋ سالتاناتىنىڭ باستى دايىندىعى كورەرمەندەرسىز وتەدى، ال اشىلۋدا قوناقتاردى قابىلداۋ توقتاتىلادى.

قازىرگى ۋاقىتتا جاپونيادا مىڭداعان ادام كوروناۆيرۋسقا شالدىققان، سونىڭ ىشىندە 706 سى Diamond Princess كرۋيزدىك لاينەرىنىڭ ەكيپاج مۇشەلەرى مەن جولاۋشىلارى بولعان. 12 ادام كوز جۇمدى.

سوڭعى جاڭالىقتار