قوستاناي وبلىسىندا كوروناۆيرۋستىڭ الدىن الۋ جونىندەگى شتاب قۇرىلدى

None
None
قوستاناي. قازاقپارات - بۇگىن قوستاناي وبلىسىندا كوروناۆيرۋستىق ينفەكتسيانىڭ تارالۋىن بولدىرماۋ ماقساتىندا سەلەكتورلىق جيىن ءوتتى، دەپ حابارلايدى قازاقپارات.

اكىمدىكتە وتكەن جيىنعا وبلىس باسشىسى ارحيمەد مۇحامبەتوۆ قاتىستى. اۋدان- قالالاردىڭ اكىمدەرى بەينەكونفەرەنتس بايلانىس ارقىلى قوسىلدى.

ايماق باسشىسىنىڭ تاپسىرماسىمەن كوروناۆيرۋستىق ينفەكتسيانىڭ تارالۋىنا جول بەرمەۋ ءۇشىن ارنايى شتاب قۇرىلدى.

«وبلىستا كوروناۆيرۋستىق ينفەكتسيانىڭ پايدا بولۋى مەن تارالۋىنا جول بەرمەۋ جونىندە جۇمىستار قولعا الىنادى. بۇعان باسا ءمان بەرىلەدى. قوستاناي اۋەجايىنىڭ بازاسىندا كوروناۆيرۋستىق ينفەكتسيامەن شارتتى ناۋقاستى ەنگىزۋ ارقىلى جاتتىعۋلار وتكىزىلدى. مەديتسينالىق ۇيىمداردا ينفەكتسياعا كۇدىكتى ناۋقاستاردى قابىلداۋ ءۇشىن ارنايى سۇزگى قۇرىلعىلارى ۇيىمداستىرىلادى. قوستاناي قالاسىنىڭ اۋەجايىنا كەلەتىن حالىقارالىق اۆيارەيستەردىڭ جولاۋشىلارى بايلانىسسىز تەرمومەتريا مەن ساۋالنامادان وتەدى»، - دەدى ارحيمەد مۇحامبەتوۆ.

قوستاناي وبلىسىنا ق ر ۇكىمەتىنىڭ رەزەرۆىنەن كوروناۆيرۋستىق ينفەكتسيانىڭ الدىن الۋ ءۇشىن قاراجات ءبولىندى.

وبلىس اكىمى اۋدان- قالانىڭ، دەپارتماەنتتەردىڭ باسشىلارىنا ينفەكتسيانىڭ الدىن الۋ بويىنشا حالىققا اقپاراتتىق-ءتۇسىندىرۋ جۇمىستارىن جۇرگىزۋدى، ونىڭ پايدا بولۋ تاۋەكەلدەرىنە جەدەل ارەكەت ەتۋدى تاپسىردى.

سوڭعى جاڭالىقتار