كوروناۆيرۋس: اقتوبەدەگى شەكارا بەكەتتەرىندە وقشاۋلاۋ ورنى جابدىقتالدى

None
None
اقتوبە. قازاقپارات - كوروناۆيرۋسقا قارسى الدىن الۋ شاراسى كۇشەيتىلىپ، شەكارا بەكەتتەرىندە وقشاۋلاۋ ورىندارى اشىلدى، دەپ حابارلايدى قازاقپارات ءتىلشىسى.

اقتوبە وبلىستىق دەنساۋلىق ساقتاۋ باسقارماسى، وبلىستىق تاۋارلار مەن كورسەتىلەتىن قىزمەتتەردىڭ ساپاسىن جانە قاۋىپسىزدىگىن باقىلاۋ دەپارتامەنتى كورونوۆيرۋسقا قارسى جۇمىستاردى پىسىقتادى. اقتوبە قالاسىنداعى حالىقارالىق اۋەجاي مەن تەمىرجول ۆوكزالىندا سانيتارلىق-ەپيدەميولوگيالىق باقىلاۋ كۇشەيتىلگەن.

«مارتوك اۋدانىنىڭ جايساڭ جانە قارعالى اۋدانىنىڭ «الىمبەت» شەكارا ماڭىنداعى اۆتوموبيل وتكىزۋ بەكەتتەرىندە ۋاقىتشا سانيتارلىق-كارانتيندىك پۋنكتتەر ۇيىمداستىرىلدى. بۇگىنگى كۇنى 14 مىڭنان استام ادامنىڭ قىزۋى ولشەندى. قىزۋى جوعارى جانە دەنساۋلىعى ناشار ادامدار انىقتالعان جوق. جىل باسىنان بەرى قىتاي جانە وسى ەلگە بارعان قازاقستان ازاماتتارى مونيتورينگكە الىندى. ولاردىڭ سانى 200 دەن اسادى. باقىلاۋدا بولعان ادامداردىڭ %99 ءدىن امان، ۆيرۋس انىقتالماعان سوڭ باقىلاۋ الىندى»، - دەدى وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى نۇرسۇلۋ بەركىمبايەۆا.

ونىڭ ايتۋىنشا، وڭىردەگى ءدارىحانالاردا 52 مىڭ بەتپەردە بار.

«الەۋمەتتىك جەلى ارقىلى جالعان اقپارات كوپ تاراپ جاتىر. رەسمي تۇردە ايتارىمىز - ەلدە كوروناۆيرۋستىق ينفەكتسياعا بايلانىستى جاعداي تۇراقتى. وبلىستا 396 كەرەۋەت، ياعني، ەكى ەمدەۋ ورنى دايىن تۇر. ءدارى- دارمەك جەتكىلىكتى. مەديتسينا قىزمەتكەرلەرىنە قاجەتتى قورعانىس كيىمدەرى بار. ارنايى شتابتىڭ جۇمىسى كەزىندە شەتەلدەن كەلگەندەردىڭ ءبارى باقىلاۋعا الىندى»، - دەدى وبلىستىق دەنساۋلىق ساقتاۋ باسقارماسىنىڭ باسشىسى اسەت قاليەۆ.

سوڭعى جاڭالىقتار