ەۋروپالىق ەلشىلەر ابايدىڭ «قارا ءسوزىن» فرانسۋز تىلىندە وقيدى
ولار 14-ناۋرىزدا قازاقستاننىڭ التى قالاسىندا وتەتىن ەلشىلىك ديكتانتتىڭ ديكتورى بولادى، دەپ حابارلايدى قازاقپارات ءتىلشىسى.
قاراعاندىلىقتار دا ەلشىلىك ديكتانتقا قاتىسا الادى. شارا فرانسۋز اليانسى عيماراتىندا گوگول كوشەسى، 38-مەكەنجايىندا وتەدى.
ءىس-شارا 1-ناۋرىز بەن 30-ءساۋىر ارالىعىندا نۇر-سۇلتان، الماتى، شىمكەنت، قاراعاندى، وسكەمەن جانە قوستاناي قالالارىندا وتەتىن جىل سايىنعى «فرانكوفون كوكتەمى» فەستيۆالىنە ورايلاستىرىلدى.
فەستيۆال اياسىندا قاراعاندىدا فرانسۋز كينوسىنىڭ اپتالىعى وتەدى. قالا تۇرعىندارى ورىس سۋبتيترلەرىمەن فرانسۋز تىلىندە ءۇش فيلمدى تەگىن تاماشالاي الادى.
فرانسۋز رەجيسسەرى ماتە امالريكتىڭ كينوكارتيناسى 3-ناۋرىزدا كورسەتىلەدى. باستى كەيىپكەر - اكتريسا بريدجيت، ول تانىمال ءانشى باربارا رولىنە دايىندالادى. رولگە بەيىمدەلۋ ءۇشىن قىز ءوزىنىڭ كەيىپكەرىنىڭ بيوگرافياسىن، ادەتتەرىن جانە ستيلىن تۇبەگەيلى زەرتتەيدى. ءدال وسى ۋاقىتتا بولاشاق فيلمنىڭ رەجيسسەرى جاس اكتريساعا عاشىق بولىپ قالادى. 2017 -جىلى كانن فەستيۆالىندە «باربارا» فيلمى ارنايى جۇلدە جەڭىپ الدى. ونى 3-ناۋرىزدا ساعات 18.00 دە فرانسۋز اليانسىندا كورۋگە بولادى.
ال 5-ناۋرىزدا ساعات 18.00 دە قاراعاندىلىقتار «ايەل جانە جۇردەك پويىز» كينولەنتاسىن تاماشالايدى. بۇل - شۆەيتساريالىق مونبيجۋ قالاشىعىنىڭ تۇرعىنى مەن ونىڭ ءۇيىنىڭ جانىنان ءار تاڭدا وتەتىن جۇردەك پوەزدىڭ كوندۋكتورى اراسىنداعى حات الماسۋدى باياندايتىن كارتينا.
بۇل سەرياداعى قورىتىندى كورسەتىلىم «اۆگۋستين قۇمارلىعى» فيلمى بولادى. رەجيسسەرى - كانادالىق لەا پۋل. كينوكارتيناداعى وقيعا وتكەن عاسىردىڭ 60-جىلدارى كۆەبەك پروۆينسياسىندا ءوربيدى. باستى كەيىپكەر - اۆگۋستيننىڭ اناسى، موناستىر مەكتەبىنىڭ مەڭگەرۋشىسى. ول مەكتەپكە تالانتتى، ءبىراق بۇلىكشىل قارىنداسى تۇسكەننەن كەيىن كۇردەلى پروبلەمالارعا تاپ بولادى، ال پروۆينتسيا ۇكىمەتى موناستىرلىق مەكتەپتەردى جابامىز دەپ قورقىتادى. بۇل فيلم 7 -ناۋرىز ساعات 14.00 دە كورسەتىلەدى.
قاراعاندىلىقتار سونداي-اق «عالامشار مۇراسى» جانە «باتىلدىق» تاقىرىپتارى بويىنشا فرانسۋز پوەزيا بايقاۋىنا قاتىسا الادى. ول 7-27-ناۋرىز ارالىعىندا وتەدى.