قازاقستاندا تۇتىنۋشىلاردىڭ قۇقىعىن قورعايتىن ۇلتتىق جۇيە قۇرىلادى

None
None
نۇر- سۇلتان. قازاقپارات - قازاقستاندا تۇتىنۋشىلاردىڭ قۇقىعىن قورعاۋدىڭ ۇلتتىق جۇيەسى قۇرىلادى. بۇل تۋرالى ۇكىمەت وتىرىسىندا ساۋدا جانە ينتەگراتسيا ءمينيسترى باقىت سۇلتانوۆ ءمالىم ەتتى، دەپ حابارلايدى قازاقپارات ءتىلشىسى.

«كولەڭكەلى بيزنەس دەڭگەيىن تومەندەتۋ جانە تاۋارلاردىڭ باعاسىن تۇراقتاندىرۋ ماقساتىندا الەۋمەتتىك ماڭىزى بار ازىق- تۇلىك تاۋارلارىن ءوندىرۋ مەن ساتۋعا ىنتالاندىراتىن شارالار قابىلدانادى. ءبىزدىڭ ازاماتتاردىڭ ساتىپ الۋ قابىلەتىن جاقسارتۋ ماقساتىندا تۇتىنۋشىلار قۇقىقتارىن قورعاۋدىڭ تولىققاندى ۇلتتىق جۇيەسى قۇرىلادى»، - دەدى باقىت سۇلتانوۆ ۇكىمەت وتىرىسىندا.

باقىت سۇلتانوۆ سونىمەن قاتار، قازاقستاندا اۋدانى دامىتۋدىڭ جاڭا باعدارلاماسى ارقىلى شيكىزاتتىق ەمەس تاۋارلار مەن قىزمەتتەردىڭ يمپورتىن جانە ەكسپورتىن ساپالى ديۆەرسيفيكاتسيالاۋ كوزدەلىپ وتىرعانىن جەتكىزدى.

«ول ەكسپورتتىڭ جالپى كولەمىندە قايتا وڭدەلگەن ونەركاسىپتىك جانە اۋىل شارۋاشىلىق ونىمدەرىنىڭ ۇلەسىن ارتتىرۋعا، سونداي- اق بەلسەندى ەكسپورتتاۋشىلاردىڭ سانىن ءبىر مىڭعا دەيىن ۇلعايتۋعا مۇمكىندىك بەرەدى. وسى باعىتتا ماڭىزى، نىسانالى جانە الەۋەتتى ساتۋ نارىقتارى نەگىزىندە ونىمدەر مەن قىزمەتتەر ايقىندالىپ، باسىم تۇردە ىرىكتەلەدى. ءبىلىم، مەديتسينالىق جانە تۋريستىك قىزمەتتەردى ىلگەرىلەتۋ ارقىلى «سەرۆيستىك ەكونوميكانى» دامىتۋ بويىنشا شارالار قابىلدانادى»، - دەدى باقىت سۇلتانوۆ.

مينيستر سونىمەن قاتار، ىشكى جانە سىرتقى نارىقتاردا وتاندىق تاۋارلار وندىرۋشىلەرىنە قولايلى جاعداي جاسالاتىنىنا سەندىردى.

«ۇلتتىق سىرتقى ساۋدا ساياساتى ەكونوميكالىق ديپلوماتيا قۇرالدارىن پايدالانۋ، جان- جاقتى ەكونوميكالىق ينتەگراتسيالىق بىرلەستىكتەردىڭ الاڭدارىندا ۇلتتىق جانە بيزنەستىڭ مۇددەلەرىن ىلگەرىلەتۋ مەن قورعاۋ ارقىلى الەمدىك ەكونوميكالىق ينتەگراتسياعا باعىتتالادى. بۇل كورشىلەس ورتالىق ازيا ەلدەرىمەن تاۋار اينالىمىنىڭ ۇلەسىن 20 پايىزعا دەيىن جەتكىزۋگە ىقپال ەتەدى. ەركىن ساۋدا ايماعى تۋرالى كەلىسىم جاساسقان ەلدەرگە وڭدەلگەن ءونىمنىڭ ەكسپورتىن ارتتىرۋعا مۇمكىندىك بەرەدى»، - دەدى ول.

اۆتور ايان بەكەن ۇلى

سوڭعى جاڭالىقتار