ديماش قۇدايبەرگەن جانكۇيەرلەرىنە جاپون جانە اعىلشىن تىلدەرىندە ءۇن قاتتى
ءانشى فاناتتارىن Tokyo Jazz Festival-عا شاقىردى، دەپ حابارلايدى قازاقپارات.
ديماش قۇدايبەرگەن ميلليونداعان تىڭدارماندارىن دجاز ستيلىندەگى كومپوزيتسياسىمەن قۋانتپاق. بۇعان دەيىن حابارلاعانداي، 19-شى Tokyo Jazz Festival 22-24- مامىر كۇندەرى جاپونيا استاناسىندا وتەدى. بۇل - 2002 -جىلدان بەرى وتكىزىلەتىن كۇنشىعىس ەلىنىڭ ەڭ ۇلكەن مۋزىكالىق فەستيۆالدەرىنىڭ ءبىرى. وعان ناعىز تانىمال دجاز ارتىستەرى شاقىرىلادى. بيىل مۋزىكالىق شارانى ۇيىمداستىرۋشىلار 90 مىڭ كورەرمەن كەلەدى دەپ وتىر.
ايتا كەتۋ كەرەك، ديماش «دجاز اڭىزدارىمەن» ءبىر ساحنادا ونەر كورسەتەدى. ونىڭ ءبىرى - گەربەرت دجەففري حەنكوك. ول - امەريكالىق دجاز ءپيانيسى جانە كومپوزيتورى، 14 گرەممي سىيلىعىنىڭ يەگەرى جانە 20 - عاسىردىڭ ەڭ ىقپالدى دجاز مۋزىكانتتارىنىڭ ءبىرى، سونىمەن قاتار زاماناۋي دجازدىڭ جەتەكشى ساكسوفونيستەرىنىڭ ءبىرى، گرەممي دجوشۋا رەدمان(ا ق ش) سىيلىعىنىڭ نومينانتى.