دامىعان مەملەكەتتەر دە كوروناۆيرۋستىڭ ەنۋىنەن قورعانىسقا تولىق كەپىلدىك بەرە المايدى – ق ر پرەزيدەنتى
بۇل تۋرالى قازاقستان پرەزيدەنتى قاسىم- جومارت توقايەۆ informburo.kz اقپاراتتىق- ساراپتامالىق پورتالىنا بەرگەن ەكسكليۋزيۆتى سۇحباتىندا ايتتى، دەپ حابارلايدى قازاقپارات ءتىلشىسى.
«ءبىز جاعدايدى باقىلاۋدا ۇستاۋعا تىرىسامىز. وكىنىشكە وراي، ەشكىم، ءتىپتى دامىعان مەملەكەتتەر دە ۆيرۋستىڭ ەنۋىنەن قورعانىسقا تولىق كەپىلدىك بەرە المايدى. دەگەنمەن، دەر ۋاقىتىندا قابىلدانعان شارالار وڭ ناتيجەسىن بەرىپ وتىر. بۇگىنگى كۇنگى جاعدايعا سايكەس، قازاقستاندا جۇقتىرۋ وقيعالارى تىركەلگەن جوق. ۇكىمەتكە ازاماتتاردىڭ دەنساۋلىعىن قورعاۋ ءۇشىن ەڭ باتىل، جان- جاقتى شارالار قابىلداۋ تاپسىرىلدى. اسىرا سىلتەمەي ءارى دۇربەلەڭسىز» ، - دەدى ق ر پرەزيدەنتى.
مەملەكەت باسشىسىنىڭ ايتۋىنشا، كوروناۆيرۋس الەم بويىنشا وتە جوعارى جىلدامدىقپەن ءارى قاۋىپتى اۋقىمدا تارالىپ جاتىر. سوندىقتان بۇل دا ەسكەرىلۋدە. «ەگەر تەندەنتسيا وسى قالپىندا قالاتىن بولسا، وندا كوپ ادامدار قاتىساتىن شارالاردى، ونىڭ ىشىندە حالىقارالىق فورۋمداردى باسقا ۋاقىتقا اۋىستىرۋعا نەمەسە بولدىرماۋعا تۋرا كەلەدى. تاريح ىندەتتىڭ بيلىك پەن ازاماتتاردىڭ باتىل ارەكەتتەرىنەن «قاۋىپتەنەتىندىگىن« كورسەتىپ وتىر» ، - دەدى قاسىم- جومارت توقايەۆ.