ابايەۆ بەيبىت جينالىس تۋرالى زاڭ جوباسى جايىندا: ءبىز قاراپايىم ازاماتتاردىڭ مۇددەلەرىن ەسكەرۋىمىز كەرەك

نۇر- سۇلتان. قازاقپارات - ەلوردادا اقپارات جانە قوعامدىق دامۋ ءمينيسترى داۋرەن ابايەۆ جانە جۇرتشىلىقتىڭ قاتىسۋىمەن «قازاقستان رەسپۋبليكاسىندا بەيبىت جينالىستار، ميتينگىلەر، شەرۋلەر، پيكەتتەر جانە دەمونستراتسيالار ۇيىمداستىرۋ جانە وتكىزۋ ءتارتىبى تۋرالى» زاڭ جوباسى تالقىلانۋدا، دەپ حابارلايدى قازاقپارات.

«ءبىزدىڭ كەيبىر ارىپتەستەرىمىز وزدەرى جازعان، ايتقان ۇسىنىستاردىڭ كەيبىرى زاڭ جوباسىنا ەنگىزىلمەگەنىن ايتىپ، نارازىلىق بىلدىرۋدە. بىرىنشىدەن، بۇل ءبىر- ەكى كۇندىك نەمەسە بەس مينۋتتىق پروتسەسس ەمەس. بىزدە مەملەكەتتىك ورگاندارمەن بەلگىلى ءبىر كەلىسىمدەر، پروتسەدۋرالار بار. بۇل ايتارلىقتاي ۇزاققا سوزىلاتىن پروتسەسس. سوندىقتان سىزدەرگە ايتارىم: سىزدەر ايتقان ۇسىنىستاردى مەملەكەت باسشىسى مەن بىزدەر ەستيمىز. زاڭ جوباسى ءبىرشاما، ءتىپتى ايتارلىقتاي وزگەرىستەرگە ۇشىرايدى. ءبىز زاڭگەرلەر مەن مەملەكەتتىك ورگانداردىڭ عانا ەمەس، ءوز ويىن بىلدىرگىسى كەلەتىن، سونىڭ ىشىندە ميتينگ ارقىلى بىلدىرگىسى كەلەتىن قازاقستان ازاماتتارىنىڭ دا مۇددەلەرىن ەسكەرۋىمىز كەرەك» ، - دەيدى داۋرەن ابايەۆ.

سونداي- اق، ول پارلامەنت ماجىلىسىندە دەپۋتاتتار زاڭ جوباسىنا وزگەرىستەر ەنگىزەتىنىن ايتتى. ەسكە سالا كەتسەك، مەملەكەت باسشىسى قاسىم- جومارت توقايەۆ بۇعان دەيىن تالقىلانىپ جاتقان زاڭ جوباسىنا تۇسىنىكتەمە بەرىپ، بەيبىت جينالىستار بەلگىلەنگەن ورىنداردا وتكىزىلۋى كەرەك ەكەنىن جانە ولاردى وتكىزۋ سيپاتى تۋرالى ايتقان بولاتىن.