قازاق كۇرەسىن مەكتەپ باعدارلاماسىنا ەنگىزۋ جۇمىستارى باستالدى
قاۋىمداستىقتىڭ پرەزيدەنتى قىزمەتىنە كارىم ءماسىموۆ سايلاندى. «بۇگىن ءبىز قازاق كۇرەسى تاريحىنىڭ جاڭا پاراعىن اشۋ ءۇشىن جينالىپ وتىرمىز. وسى كەزگە دەيىن قازاقستاندا قازاقشا كۇرەس فەدەراتسياسى قۇرىلعان بولاتىن. ەلىمىزدە رەسپۋبليكالىق جارىستار، حالىقارالىق كەزدەسۋلەر وتكىزىلۋدە. ءبىز قازاق كۇرەسىن وليمپيادا قاتارىنا كىرگىزۋدى ماقسات ەتىپ وتىرمىز، سول سەبەپتى قازاقستان بارىسى، قازاقشا كۇرەس ۇيىمدارىن بىرىكتىرەتىن Qazaq kuresi اسسوتسياتسيا قۇرىلدى» ، - دەيدى كارىم ءماسىموۆ.
ول بۇگىنگى تاڭدا قازاق كۇرەسىنىڭ دەڭگەيى وتە جوعارى دەپ باعالاۋعا بولاتىنىن ايتتى. «ەلى ىشىندەگى چەمپيوناتتار مەن تۋرنيرلەردىڭ دەڭگەيى جالپى حالىقتىڭ قىزىعۋشىلىعىن ارتتىرىپ كەلەدى. سونداي- اق، ۇلتتىق كۇرەستىڭ بەينەسى الەمدىك دەڭگەيدە قالىپتاسىپ ۇلگەردى. ازيا، ەۋروپا، الەم چەمپيوناتتارى تۇراقتى تۇردە وتكىزىلۋدە. وسى رەتتە رەسپۋبليكالىق فەدەراتسيا تاراپىنان قازاق كۇرەسىن مەكتەپ باعدارلاماسىنا ەنگىزۋ جۇمىستارى باستالدى. الداعى وقۋ جىلى نۇر- سۇلتان قالاسىنداعى 5 مەكتەپتە ءۆارياتيۆتى نەگىزدە ەنگىزىلەدى. قازاق كۇرەسىنىڭ ەلىمىزدەگى ءبىلىم سالاسىنا ەنۋىن قازاق كۇرەسى اكادەمياسى جۇزەگە اسىراتىن بولاتىن. بۇل ۇلتتىق كۇرەستىڭ باعىندىرعان ءبىر بەلەسى» ، - دەدى كارىم ءماسىموۆ.