شىڭجاڭدا وندىرىلگەن تۇيە ءسۇتى ۋحانداعى دارىگەرلەرگە جىبەرىلدى - شەتەلدەگى قازاق ءتىلدى ب ا ق- قا شولۋ

None
None
نۇر- سۇلتان. قازاقپارات- «قازاقپارات» ح ا ا ادەتتەگىدەي شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

شىڭجاڭدا وندىرىلگەن تۇيە ءسۇتى ۋحانداعى دارىگەرلەرگە جىبەرىلدى - «التاي اقپارات» سايتى

شىڭجاڭ ۆانگيۋان بيوتەحنولوگيالىق كومپانياسى تۇيە سۇتىنەن جاسالعان 3000 قوراپ ءونىمدى ۋحانعا كومەككە بارعان دارىگەرلەر توبىنا جىبەردى، دەپ جازادى altxw.com سايتى. «شىڭجاڭنىڭ Wangyuan Group كومپانياسى شىڭجاڭنان كومەككە بارعان، ۋحانداعى الدىڭعى شەپتەگى كوروناۆيرۋسپەن كۇرەسىپ جاتقان 386 دارىگەردىڭ دەنساۋلىعىنىڭ مىقتى بولۋىن تىلەپ، ادام اعزاسىنىڭ يمۋنيتەتىن كۇشەيتەتىن تازا تۇيە سۇتىنەن جاسالعان ونىمدەرىن كومەككە بەرگەن. اتالعان كومپانيا قۇنى 1,05 ميلليون يۋان (شامامەن 57,2 ميلليون تەڭگە) بولاتىن، 3 مىڭ قوراپ Wangyuan تۇيە ءسۇتىنىڭ ۇنتاعىن سىيعا تارتقان.


ايتا كەتسەك، تۇيە ءسۇتىنىڭ شيپالىق قاسيەتتەرى ەرتەدەن- اق بەلگىلى بولعان. ونىڭ ادام اعزاسىنا سىڭىمدىلىگى 98 پايىز. دارىگەرلەر شۇباتتى تۇراقتى پايدالانعان ادامدار تۋبەركۋلەزبەن مۇلدەم اۋىرمايتىندىعىن انىقتاعان» ، - دەپ جازادى «التاي اقپارات» سايتى.


ەسكە سالا كەتەيىك، شىڭجاڭداعى Wangyuan Group كومپانياسى تۇيە ءسۇتىن زەرتتەۋمەن جانە وندىرۋمەن اينالىساتىن قىتايداعى ەڭ ءىرى ءوندىرىس ورتالىعى. سونىمەن بىرگە، كومپانيا تۇيە سۇتىنەن كوسمەتيكا جاساۋ، تۇيە ەتىنىڭ ونىمدەرىن ءوندىرۋ باعىتىندا دا جۇمىس ىستەيدى. كومپانيانىڭ ونىمدەرى 1300 دەن استام ارنايى دۇكەندى مەن 800 ءىرى سۋپەرماركەت جەلىسىندە جانە 13 تەن استام شەت مەملەكەتكە ساتىلادى. بۇعان دەيىن وسى كومپانيانىڭ التاي ايماعىنداعى تۇيە شارۋاشىلىعىمەن اينالىساتىن فەرمەرلەردى ىنتالاندىرۋ ماقساتىندا، 6 تۇيەشىگە كولىك مىنگىزگەنىن جازعان بولاتىنبىز. ال قانداستارىمىز قونىستانعان التايدىڭ بۋىرىلتوعاي اۋدانى «قىتايداعى تۇيە ءسۇتىنىڭ استاناسى» دەگەن اتاقتى ەنشىلەگەن.

موڭعولياداعى سەرىك بەردىمۇرات ۇلى حالىقارالىق جارىستان كۇمىس مەدال يەلەندى- kaznews.mn


مينسك قالاسىندا سامبودان بەلارۋس پرەزيدەنتىنىڭ كۋبوگىنا ارنالعان حالىقارالىق تۋرنير ءوتتى، دەپ حابارلايدى موڭعوليانىڭ KAZNEWS اقپاراتتىق پورتالى. «تۋرنيرگە 20 مەملەكەتتەن 300 سپورتشى قاتىستى. اتالمىش جارىستا ەرلەر اراسىندا -100 كەلى سالماق دارەجەسىندە حالىقارالىق سپورت شەبەرى، سامبودان 2019 -جىلعى الەم چەمپيوناتىنىڭ قولا جۇلدەگەرى سەرىك بەردىمۇرات ۇلى قاتىسىپ كۇمىس مەدال يەلەندى. ول العاشقى كەزدەسۋىندە ۋكراينا سپورتشىسى الەكسەي مويسيەۆتى، ەكىنشى كەزدەسۋىندە بەلارۋس پالۋانى سيارحەي لەسيكتى جەڭىپ فينالعا شىققان بولاتىن. فينالدا بەلارۋس پالۋانى اندرەي كازۋنەسوكقا ەسە جىبەرىپ الدى. ەستەرىڭىزگە سالساق، سەرىك بەردىمۇرات ۇلى 2019 -جىلى بۇل تۋرنيردەن قولا مەدال العان بولاتىن» ، - دەپ جازادى KAZNEWS.

قىتايدىڭ شىڭجاڭ ولكەسى كوروناۆيرۋستان ساقتانۋ شاراسىن ەكىنشى ساناتقا ءتۇسىردى - قىتايدىڭ «ورتالىق حالىق راديوسى» (CNR)


شىڭجاڭ- ۇيعىر اۆتونوميالى ولكەسى كوروناۆيرۋس ينفەكتسياسىنىڭ تارالۋىنىڭ الدىن- الۋ ماقساتىنداعى تالاپ ەتىلگەن ساقتىق شاراسىنىڭ دەڭگەيىن ءبىرىنشى ساناتتان ەكىنشى ساناتقا اۋىستىردى، دەپ جازادى قىتايلىق kazakcnr.com سايتى.

«ءتيىستى مەملەكەتتىك زاڭدار مەن ەرەجەلەرگە سۇيەنە وتىرىپ، شىڭجاڭداعى كوروناۆيرۋس ينفەكسياسىنىڭ تارالۋ جاعدايىنىڭ تۇراقتالۋىنا بايلانىستى شىڭجاڭ- ۇيعىر اۆتونوميالى ولكەسىنىڭ حالىق ۇكىمەتى 2020 -جىلدىڭ 25- ء اقپاننان باستاپ ساقتىق شاراسىنىڭ دەڭگەيىن ءبىرىنشى ساناتتان ەكىنشى ساناتقا ءتۇسىردى» ، دەپ جازادى CNR.

ەسكە سالا كەتەيىك، شىڭجاڭ ولكەسىندە سوڭعى اپتادا جاڭادان كوروناۆيرۋس جۇقتىرعان ادام تىركەلمەگەن. وسىعان دەيىن شىڭجاڭدا كوروناۆيرۋس جۇقتىرعان 76 ادام انىقتالعان جانە 3806 ادام مەديتسينالىق باقىلاۋعا الىنعان. سونداي- اق، شىڭجاڭداعى كوروناۆيرۋستىڭ تارالۋىنا بايلانىستى جۇمىسىن توقتاتقان كاسىپورىنداردىڭ ءبىر ءبولىمى قازىرگى كۇنى ءوندىرىستى قايتا قالپىنا كەلتىرۋگە كىرىسكەن.

موڭعوليا قىتايعا كومەك رەتىندە 30 مىڭ باس مال بەردى KAZNEWS


موڭعوليا پرەزيدەنتى حالتمااگين باتتۋلگا (قالتماگين باتتۇلعا دەپ وقىلادى - اۆت) ق ح ر- نا ساپارمەن بارىپ قايتتى، دەپ حابارلايدى موڭعوليانىڭ KAZNEWS اقپاراتتىق پورتالى.

«Mongol.cri.cn مالىمەتى بويىنشا بەيجىڭ قالاسىندا ەكى مەملەكەتتىڭ باسشىلارى كەزدەسۋ وتكىزگەن. كەزدەسۋ بارىسىندا ق ح ر- نىڭ ءتوراعاسى چي جينپين « ءبىزدىڭ ەلدىڭ ۇكىمەتى مەن حالقى جاڭا كوروناۆيرۋسقا قارسى كۇرەسىپ جاتىر. وسى قيىن ساتتە موڭعوليا ۇكىمەتى مەن حالقى بىزگە كومەك قولىن سوزىپ وتىرعانىنا العىس بىلدىرەمىز. موڭعوليا پرەزيدەنتى حالتمااگين باتتۋلگا ءسىز كوروناۆيرۋس تاراعاننان كەيىن ق ح ر- نا جوعارى دەڭگەيدەگى ارناي ساپارمەن كەلگەن العاشقى مەملەكەت باسشىسى بولىپ وتىرسىز. ءسىزدىڭ ساپارىڭىز قىتاي حالقىن شىن ىقىلاسىڭىزبەن قولداۋىڭىزدىڭ ءبىر دالەلى بولماق» - دەدى» ، - دەپ جازادى KAZNEWS.


اتالعان ب ا ق- تىڭ جازۋىنشا، موڭعوليا پرەزيدەنتى ح. باتتۋلگا ءوز سوزىندە، ۆيرۋس تاراعان ۋاقىتتاردا موڭعوليا ۇكىمەتى ق ح ر- نا كومەك قولىن سوزۋ ماقساتىندا «ماڭگىلىك كورشىگە كومەكتەسۋ» اكسياسىن ۇيىمداستىرعانىن ايتقان. سول ىزگى نيەتپەن موڭعول حالقىنىڭ وسى جولعى ساپار اياسىندا 30 مىڭ باس مال (قوي) سىيلاپ وتىرعانىن جانە قىتاي حالقىنا جاقسىلىق تىلەيتىنىن جەتكىزگەن.

ەسكە سالا كەتەيىك، Montsame اگەنتتىگىنىڭ مالىمەتىنشە، موڭعوليا پرەزيدەنتى 27 -اقپان كۇنى ق ح ر- نا ءبىر كۇندىك ساپارىنان ورالعان سوڭ، قاۋىپتى ۆيرۋستى ەلگە تاراتپاۋ كەشەندى شارالارىنىڭ ەرەجەسىنە سايكەس، مەملەكەت باسشىسى مەن قىتاي ەلىنە بىرگە بارعان رەسمي تۇلعالار شىڭعىس حان حالىقارالىق اۋەجايىندا كوروناۆيرۋسقا تەكسەرىستەن ءوتىپ، ارنايى مەكەمەگە 14 كۇنگە وقشاۋلاندىرىلعان.

تۇركياداعى حالىقارالىق اڭگىمەلەر فەستيۆالىنە وزبەكستاننان العاش رەت جاس جازۋشى قاتىسپاق - « ءو ز ا» اقپاراتتىق اگەنتتىگى


بيىل ءتورتىنشى رەت ۇيىمداستىرىلىپ جاتقان قىسقا اڭگىمەلەر فەستيۆالى ىستانبۇل قالاسىندا 2-7 - ناۋرىز كۇندەرى وتەتىنى جوسپارلانعان، دەپ جازادى وزبەكستاننىڭ « ءو ز ا» مەملەكەتتىك اقپاراتتىق اگەنتتىگى. «الەمنىڭ وتىزعا جۋىق ەلىنەن كەلەتىن قالامگەرلەر اراسىندا العاش رەت وزبەكستان اتىنان جاس جازۋشى جاۆلون جوۆليەۆ قاتىسپاق. ول 1991 -جىلى قاشقاداريا وبلىسىندا تۋعان. جاۆلون ايتۋلى فەستيۆالگە ءوزىنىڭ «بۇقارا، بۇقارا، بۇقارا.. .» اتتى اڭگىمەسىمەن قاتىسۋدا. ىستانبۇلدا وتەتىن شارا اياسىندا قالامگەرلەر ءوز ەلىندەگى ادەبيەت جايلى بايانداما جاسايتىنى ايتىلعان. سونداي- اق، فەستيۆالگە قاتىسۋشى جازۋشىلاردىڭ اڭگىمەلەرى جيناق كىتاپ بولىپ باسپادان شىعادى» ، - دەپ جازادى «ءو ز ا» اقپاراتتىق اگەنتتىگى.

قىرعىز حالىق اقىنىنىڭ مەرەيتويى انكارادا تويلاندى TRT


قىرعىزدىڭ حالىق اقىنى جانە تۇرىكسويداعى قىرعىزستان وكىلى قوجاگەلدى قۇليەۆ 60 جاسقا تولدى. ونىڭ ەلەۋلى مەرەيتويى تۇرىكسويدىڭ انكاراداعى باس عيماراتىندا ەرەكشە اتاپ ءوتىلدى، دەپ جازادى تۇركيا راديو تەليەۆيزيا پورتالى.

«تۇرىكسويداعى اتالعان شارادا اقىننىڭ جاڭا جارىق كورگەن «الاقانداعى الەم» جانە «جۇرەك- مەكەن» اتتى كىتاپتارىنىڭ تۇساۋى كەسىلدى. تۇرىكسوي باس حاتشىسى دۇيسەن قاسەيىنوۆتىڭ باسشىلىعىندا وتكەن جيىنعا قىرعىزستان مادەنيەت، اقپارات جانە تۋريزم ءمينيسترىنىڭ ورىنباسارى قايرات يماناليەۆ، ەۋرازيا جازۋشىلار وداعى باسشىسى ياكۋپ ومەروعلۋ، تۇركيانىڭ ءتۇرلى قوعام وكىلدەرى، انكاراداعى ديپلوماتيالىق ميسسيا قىزمەتكەرلەرى، ونەرسۇيەر قاۋىم قاتىستى. پروفەسسور ناجيە اتا يىلدىز حانىم بەتاشار سوزىندە اقىن قوجاگەلدى قۇليەۆتىڭ پوەزياسى، كىتاپتارى مەن شىعارماشىلىعى جونىندە كەڭ مالىمەت بەردى» ، - دەپ جازادى TRT.

اتالعان ب ا ق- تىڭ جازۋىنشا، قىرعىز اقىنىنىڭ «الاقانداعى الەم» اتتى كىتابى ازەربايجان، قازاق، قىرعىز، وزبەك، تۇرىك، باشقۇرت جانە ساحا تىلدەرىندە باسىلعان. شارا بارىسىندا، تۇرىكسوي باس حاتشىسى دۇيسەن قاسەيىنوۆ قۇليەۆكە تۇرىكسويدىڭ داڭق مەدالىن تابىس ەتكەن.

وزبەكستاننىڭ ناۋاي وبلىسىندا دومبىراشىلار بايقاۋى ءوتتى - كەنيمەح تاڭى گازەتى


وزبەكستاننىڭ ناۋاي وبلىسىنىڭ تامدى اۋدانىندا ون ءۇش اۋىلدان كەلگەن 300 گە جۋىق جاس دومبىراشى تامدى اۋداندىق مادەنيەت ۇيىندە وتكەن «ونەرلى دومبىراشى جاستار» بايقاۋىندا ءوزارا باق سىناسىپ، ونەرلەرىن ورتاعا سالدى، دەپ جازادى «كەنيمەح تاڭى» گازەتى.

اتالعان ب ا ق- تىڭ جازۋىنشا، شارانىڭ باستى ماقساتى - جاستار اراسىنان تالانتتى ونەرپازداردى انىقتاپ، قازاق حالقىنىڭ ءتول مادەنيەتىن، ءداستۇرلى ونەرىن وسكەلەڭ ۇرپاققا دارىپتەۋ بولعان. «تامدى اۋدانى اكىمدىگى، اۋداندىق حالىققا ءبىلىم بەرۋ ءبولىمى، وزبەكستان جاستار وداعى تامدى اۋداندىق ءبولىمىنىڭ ۇيىمداستىرۋىمەن وتكىزىلگەن بايقاۋدا قاتىسۋشىلار ءان، ۇلتتىق بي، توپتىق حور، تەرمە ورىنداۋ باعىتىندا ونەر كورسەتتى. جاس ونەرپازدار دينا، قۇرمانعازى، قازانعاپ، تاتتىمبەت، داۋلەتكەرەي سەكىلدى داۋلەسكەر كۇيشىلەردىڭ تۋىندىلارى مەن حالىق كۇيلەرىن ورىنداپ جۇرتتىڭ ىقىلاسىنا بولەندى. شاراعا وبلىستىق سەناتور ز. تۇلەكوۆا، تامدى اۋدانى اكىمى ورىنباسارى ن. بەكنازاروۆ، تامدى اۋدانى حالىققا ءبىلىم بەرۋ ءبولىمى مەڭگەرۋشىسى م. بازاربايەۆ، اۋداندىق مادەنيەت ءبولىمى وكىلدەرى مەن تامدىلىق جىراۋ جالعاس ءجۇسىپوۆ، ءانشى- سازگەر قازبەك ەسەنبايەۆتان تۇراتىن قازىلار القاسى جانە اۋدانداعى بارلىق ءبىلىم وردالارىنىڭ باسشىلارى مەن اۋىل اقساقالدارى، ونەرسۇيەر قاۋىم قاتىستى» ، دەپ جازادى «كەنيمەح تاڭى» گازەتى.


سوڭعى مارەدەگى بايقاۋ قورىتىندىسى بويىنشا، جۇلدەلى Ⅲورىندى راحات اۋىلىنىڭ №18 مەكتەپ ونەرپازدارى، جۇلدەلى Ⅱورىندى كەرەگەتاۋ اۋىلىنىڭ №9 مەكتەپ تالانتتى جاستارى، جۇلدەلى ءى ورىندى جىرىق اۋىلىنان كەلگەن №13 مەكتەپتىڭ دارىندى دومبىراشىلارى يەلەنگەن. «باس جۇلدەنى» جاڭاشارۋا ەلدى مەكەنىنەن كەلگەن №7 مەكتەپتىڭ وركەستر توبى لايىق دەپ تابىلعان.

اۆتور: باقىتجول كاكەش

سوڭعى جاڭالىقتار