+7 (701) 759 90 19
3 °С : نۇر-سۇلتان
13 °С : الماتى
USD 445.84 EUR 490.47
RUB 5.73 CNY 62.87
جاڭالىقتار

جامبىل وبلىسىندا ىشىمدىك ساتىلمايتىن ەرەكشە اۋىل بار

29 اقپان 10:08
:ءبولىسۋ
جامبىل وبلىسىندا ىشىمدىك ساتىلمايتىن ەرەكشە اۋىل بار

تاراز. قازاقپارات - جامبىل وبلىسى تالاس اۋدانىندا قاسقابۇلاق اۋىلى بار. بۇل اۋىلدا قازىرگى تاڭدا ەشقانداي ىشىمدىك ءتۇرى ساتىلمايدى، دەپ حابارلايدى قازاقپارات.

اتالعان شاعىن اۋىلدا 1937 -جىلدان بەرى كۇردى دياسپوراسى توپتاسىپ تىرشىلىك كەشۋدە. ولار نەگىزىنەن مال شارۋاشىلىعىمەن اينالىسادى. ايتا كەتۋ كەرەك، بۇل اۋىلدىڭ وزىندىك ەرەكشەلىگى بار. ول - سوڭعى جىلدارى ەلدى مەكەندە بىردە- ءبىر قىلمىستىڭ ورىن الماعاندىعى، اتاۋلى الەۋمەتتىك كومەك الۋشىلاردىڭ تىركەلمەگەندىگى، اۋىل دۇكەندەرىندە ىشىمدىك ساتىلمايتىندىعى دەسەك بولادى. قاسقابۇلاقتىقتار باستاماشىل ءارى ەڭبەككە بەيىم. اۋىلدا مىڭعا جۋىق حالىق تۋرادى. ونداعى ءار وتباسىدا شامامەن 5-6 بالادان بار دەسەك، اۋىل تۇرعىندارىنىڭ دەنى جاستار. بۇل تۋرالى جۋىردا وبلىس اكىمى بەردىبەك ساپاربايەۆ اۋدانعا جۇمىس ساپارى بارىسىندا اتالعان اۋىلدىڭ تۇرعىندارىمەن كەزدەسۋدە بەلگىلى بولعان.

بەردىبەك ساپاربايەۆ اۋىلداعى 2018 -جىلى پايدالانۋعا بەرىلگەن، بۇگىندە 135 وقۋشى ءبىلىم الاتىن ورتا مەكتەپتىڭ جۇمىسىمەن تانىسىپ، جەرگىلىكتى كلۋبتا اۋىل تۇرعىندارىمەن كەزدەسكەن بولاتىن. « ءبىز ءبارىمىز - قازاقستان رەسپۋبليكاسىنىڭ ازاماتتارىمىز. تالاي سىندارلى كەزەڭدەردى بىرگە كەشىپ، سوعىس جىلدارىنداعى اۋىر ساتتەردى بىرگە ەڭسەردىك. بۇگىندە ءبىزدىڭ باستى بايلىعىمىز - قوعامداعى بەيبىتشىلىك پەن بەرىك دوستىعىمىز ەكەنىندىگىنە ەشكىم كۇمان كەلتىرە المايدى. وسى ورايدا وسكەلەڭ ۇرپاقتى ۇلتتىق بولمىس پەن ۇلكەندەردى قۇرمەتتەۋ سەكىلدى اسىل قاسيەتتەر اياسىندا تاربيەلەۋگە اسا كوڭىل ءبولۋ قاجەت» ، - دەپ اتاپ وتكەن ەدى ايماق باسشىسى.



باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات