پروكۋراتۋرا قازاقستاندىقتارعا ۇندەۋ جاريالادى

نۇر- سۇلتان. قازاقپارات - قازاقستان رەسپۋبليكاسىنىڭ باس پروكۋراتۋراسى قازاقستاندىقتارعا ۇندەۋ جولدادى، دەپ حابارلايدى قازاقپارات.

***

قازاقستان رەسپۋبليكاسى باس پروكۋرورىنىڭ ورىنباسارى ب. ب. دەمبايەۆتىڭ «پروكۋراتۋرا تۋرالى» زاڭنىڭ 31-بابى تارتىبىندە ۇندەۋى

قۇرمەتتى ازاماتتار! الەۋمەتتىك جەلىلەردە زاڭسىز نارازىلىق اكسيالارىن وتكىزۋگە شاقىرۋلار تاراتىلۋدا. بۇل رەتتە شىندىققا جاناسپايتىن، ونىڭ ىشىندە الەۋمەتتىك جانە ۇلتتىق الاۋىزدىق پەن ارازدىقتى قوزدىرۋ بەلگىلەرىمەن اقپاراتتار ورنالاستىرىلۋدا. زاڭسىز كوپشىلىك ءىس- شارالاردى ۇيىمداستىرۋ جانە وعان قاتىسۋ اكىمشىلىك قۇقىق بۇزۋشىلىق تۋرالى كودەكستىڭ 488-بابى بويىنشا جاۋاپتىلىققا اكەپ سوقتىراتىنىن ەسكە سالامىز. وسى ارەكەتتەرمەن ازاماتتاردىڭ، ۇيىمداردىڭ، قوعامنىڭ نەمەسە مەملەكەتتىڭ قۇقىقتارى مەن زاڭدى مۇددەلەرىنە ەلەۋلى زيان كەلتىرىلگەن جاعدايدا قىلمىستىق كودەكستىڭ 400-بابى بويىنشا جاۋاپتىلىق كوزدەلگەن. الەۋمەتتىك جانە ۇلتتىق ارازدىقتى قوزدىرۋ، كورىنەۋ جالعان اقپارات تاراتۋعا جاريا تۇردە شاقىرۋ زاڭمەن تىيىم سالىنعان جانە مۇنداي ارەكەتتەر قىلمىستىق تارتىپتە قۋدالاناتىنىنا نازار اۋدارامىز (ق ك 174 جانە 274-باپتارى) . وسىعان بايلانىستى، زاڭدىلىق پەن قوعامدىق قاۋىپسىزدىكتى قامتاماسىز ەتۋ، قۇقىق بۇزۋشىلىقتاردىڭ الدىن الۋ، سونداي- اق ادام قۇقىقتارى مەن بوستاندىقتارىن قورعاۋ ءۇشىن باس پروكۋراتۋرا ازاماتتاردى مەملەكەتتىك ورگانداردىڭ رەسمي دەرەكتەرىنە عانا سەنۋگە، قۇقىققا قارسى اقپاراتتى تاراتۋدان جانە زاڭسىز جاريا اكسيالارعا قاتىسپاۋعا شاقىرادى.