+7 (701) 759 90 19
-3 °С : نۇر-سۇلتان
7 °С : الماتى
USD 437.20 EUR 475.32
RUB 5.79 CNY 61.94
جاڭالىقتار

گازبەن جۇرەتىن كولىكتەر نەگە قاۋىپتى؟

28 اقپان 21:45
:ءبولىسۋ
گازبەن جۇرەتىن كولىكتەر نەگە قاۋىپتى؟

نۇر- سۇلتان. قازاقپارات – گاز ورناتىلعان كولىكتەردى جابىق تۇراقتارعا قويعاندار 12 مىڭ تەڭگە ايىپپۇل تولەيتىنى بەلگىلى بولدى، دەپ حابارلايدى «حابار 24».

مۇنداي شەشىمنىڭ قابىلدانۋىنا نە سەبەپ؟ كوگىلدىر وتىنمەن جۇرەتىن تەمىر تۇلپارلار شىنىمەن دە قاۋىپتى مە؟ ەلدەگى 4 ميلليون كولىكتىڭ 343 مىڭنان استامىنا گاز ورناتىلعان. ەندى ولار بۇرىنعىداي كەز كەلگەن تۇراققا كىرە المايدى. نەگە؟

شەكتەۋگە تۇرتكى بولعان سەبەپتى ەكولوگ ايتتى.

مۇساعالي دۋانبەكوۆ، قازاقستان ەكولوگتار قاۋىمداستىعىنىڭ مۇشەسى:

- گازبەن جۇرەتىن اۆتوموبيلدەر پاركينگكە جابىق تۇراقتارعا، ساۋدا مەكەمەلەرىنە كىرۋگە تىيىم سالىنىپ وتىر. ونىڭ جاڭاعى گاز بالوننىڭ جارىلۋ قاۋپى بولعاننان كەيىن سونداي شارالار قويىلىپ وتىر.

ەكولوگتار قاۋىمداستىعى مۇشەسىنىڭ ءسوزىن ساباقتاساق، بىزدە جىل سايىن 2 مىڭعا جۋىق كولىك ورتەنەدى. بۇل - ەلىمىزدە ءبىر جىلدا بولاتىن ءورت وقيعالارىنىڭ % 20- ءى. سوڭعى 3 جىلدا گازبەن جۇرەتىن 374 كولىك جانىپ، 5 ادام قازا تاپقان. سوندىقتان وسىنداي شەشىم قابىلداندى. بۇل شەشىمدى ەرلان قوشانوۆ دۇرىس سانايدى. ءوزىنىڭ كولىگى گازبەن جۇرسە دە.

ەرلان قوشانوۆ قالا تۇرعىنى:

- كوشەدە ءوزى كەلە جاتساڭ، مىناۋ گازبەن جۇرەتىن كولىكتەردىڭ ەداۋىر كوبەيگەنىن بايقايمىز. ەكىنىڭ ءبىرى قازىر كولىكتەرگە گاز ورناتىپ جاتىر. گازبەن جۇرەتىندەردىڭ سانى دا كوبەيىپ بارا جاتىر. ەندى سول سەبەپتى بۇل اينالاداعى قورشاعان ورتاعا قاۋىپتى. پاركينگتەرگە گازبەن جۇرەتىن كولىكتەردى كىرگىزبەۋدى وزىمشە دۇرىس دەپ سانايمىن.

جۇرتتىڭ ءبارى ەرلانعا ۇقساپ تالاپتى ورىنداسا جاقسى عوي، ال، گازبەن جۇرەتىن كولىكتىڭ يەلەرى پاركينگتەرگە كىرىپ كەتسە نە بولادى؟ وندا 12 مىڭ تەڭگە ايىپپۇل تولەيدى. ال جابىق تۇراقتا اپات بولسا، ءتىپتى قىلمىستىق ءىس قوزعالادى.

ۆلاديمير بەككەر، ق ر ءى ءى م ت ج ك ءتوراعاسى:

- تۇرعىن ۇيلەردىڭ استىنداعى پراكينگتەردە مۇڭكىگەن گازدىڭ يىسىنە شاعىمدانۋشىلار كوبەيدى. ءبىز بۇل جاعدايدى ءجىتى زەردەلەدىك. راسىندا دا قاۋىپ باسىم. توتەنشە جاعدايلار تۋىنداۋى ىقتيمال. قۇرىلىس نورمالارى بويىنشا دا مۇنداي تۇراقتارعا گازبەن جۇرەتىن كولىكتەردى قويۋ رۇقسات جوق.

وسى تۇستا اتاپ وتەيىك، ەلىمىزگە شەتتەن كەلگەن كولىكتەردىڭ باسىم كوپشىلىگى وسى كوگىلدىر وتىمەن جۇرەدى. ونىڭ ۇستىنە مۇنداي تەمىر تۇلپارلار تەحنيكالىق باقىلاۋدان وتە بەرمەيدى. سايىپ كەلگەندە، وزگە مەملەكەتتەردە تىركەلىپ، ءبىزدىڭ جولداردا جۇرگەن كولىكتەر اينالاعا قاۋىپتى.

www.24.kz



باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات