الەمدەگى ەڭ تانىمال سمارتفون قايسى؟

نۇر-سۇلتان. قازاقپارات - Omdia كومپانياسىنىڭ زەرتتەۋىنشە، قازىرگى كەزدە الەمدە ەڭ تانىمال ءارى ەڭ كوپ قولدانىلاتىن سمارتفون - iPhone XR ەكەن.

كومپانيانىڭ ەسەپتەۋىنشە، بىلتىر Apple كومپانياسى iPhone XR- ءدىڭ 46 ميلليون داناسىن ساتقان. ودان كەيىنگى ورىندا iPhone 11 تۇر. ودان 37 ميلليون دانا ساتىلعان. ال ءۇشىنشى ورىندا - Samsung Galaxy A10. ساتىلعان داناسىنىڭ سانى 30 ميلليوننان اسادى. العاشقى وندىققا Apple مەن Samsung كومپانياسىنىڭ ونىمدەرىمەن بىرگە قىتايدىڭ Xiaomi كومپانياسىنىڭ ونىمدەرى دە كىرگەن ەكەن.

Omdia زەرتتەۋ كومپانياسىنىڭ رەسمي وكىلى دجۋسي حونگتىڭ ايتۋىنشا، ازىرشە Apple گە جەتەر، ونىڭ ديەۆايسىنان اسىپ تۇسەر قۇرىلعى جوق. Apple ءدىڭ العاشقى قوس ورىندى بەرمەي كەلە جاتقانىنا بيىل - بەسىنشى جىل. ماسەلەن، 2018 -جىلى جىلدىڭ ۇزدىك سمارتفونى iPhone 8 (31,5 ميلليون دانا) ، ەكىنشى جانە ءۇشىنشى ورىنداردى iPhone X پەن iPhone 8 Plus ءبولىسىپ العان. ال بيىل باس جۇلدەنى العان iPhone XR ءدىڭ ول كەزدە 23 ميلليون داناسى ساتىلعان.

Massaget.kz