ازەربايجاندا كوروناۆيرۋس جۇقتىرۋدىڭ العاشقى جاعدايى تىركەلدى

None
None
باكۋ. TREND - قازاقپارات - ازەربايجان مينيسترلەر كابينەتى جانىنداعى جەدەل شتاب كوروناۆيرۋس جۇقتىرعان العاشقى جاعدايدىڭ انىقتالعانىن راستادى، دەپ حابارلايدى قازاقپارات trend.az اگەنتتىگىنە سىلتەمە جاساپ.

اگەنتتىكتىڭ حابارلاۋىنشا، ينفەكتسيا جۇقتىرعان - رەسەي ازاماتى. يران- ازەربايجان باعىتىندا مەملەكەتتىك شەكارانى كەسىپ ءوتۋ كەزىندە ودان كوروناۆيرۋستىڭ العاشقى بەلگىلەرى انىقتالعان، وسىعان بايلانىستى ۆيرۋس جۇقتىرعان ازامات اۋرۋحانانىڭ ارنايى ينفەكسيالىق بولىمىنە جاتقىزىلدى. جۇرگىزىلگەن سىنامالار مەن تەستەردىڭ قورىتىندىسى ونىڭ ۆيرۋستى جۇقتىرعانىن كورسەتتى.

قازىرگى ۋاقىتتا پاتسيەنتتىڭ جاعدايى تۇراقتى.

سونىمەن قاتار، ۆيرۋستىڭ تارالۋىن جانە ونىڭ سالدارىن بولدىرماۋ ءۇشىن ءتيىستى شارالار قابىلدانۋدا. قاجەتتى اقپاراتتى الۋ ءۇشىن پاتسيەنتپەن بايلانىسقان ادامداردى انىقتاۋ، ونىڭ ۆيرۋستى قايدان جۇقتىرعانىن، سونداي- اق تارالۋ جولدارىن انىقتاۋ جۇمىستارى جۇرگىزىلىپ جاتىر.


سوڭعى جاڭالىقتار