+7 (701) 759 90 19
11 °С : نۇر-سۇلتان
22 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

دۋلات اعادىلدىڭ ادۆوكاتى مەن اعاسى ءمايىتتى تەكسەرۋ كەزىندە قاسىندا تۇرعان

28 اقپان 17:33
:ءبولىسۋ
دۋلات اعادىلدىڭ ادۆوكاتى مەن اعاسى ءمايىتتى تەكسەرۋ كەزىندە قاسىندا تۇرعان

نۇر- سۇلتان. قازاقپارات - ۋاقىتشا ۇستاۋ وقشاۋلاعىشىندا كوز جۇمعان دۋلات اعادىلدىڭ ادۆوكاتى مەن اعاسى ءمايىتتى تەكسەرۋ كەزىندە قاسىندا تۇرعان.

بۇل تۋرالى نۇر- سۇلتان قالاسىنىڭ پروكۋراتۋراسىندا وتكەن بريفينگتە ايتىلدى، دەپ حابارلايدى قازاقپارات ءتىلشىسى.

«ءبىرىنشى كەزەكتە اعادىلدىڭ مەزگىلسىز ومىردەن وتۋىنە بايلانىستى جاقىندارى مەن تۋىستارىنا كوڭىل ايتامىز. الەۋمەتتىك جەلى مەن ينتەرنەت رەسۋرستاردا اعادىلدىڭ ءمايىتىن جۋىندىرۋ ءراسىمىن ۆيدەوعا ءتۇسىرىپ، وعان كۇش كورسەتكەنى تۋرالى اقپارات تاراپ جاتىر. بۇل ەتيكا مەن مورالعا قارسى كەلەتىن ارەكەت. ۆيدەوماتەريال مەن ونىڭ تارالىپ كەتۋى قايتىس بولعان ادامنىڭ تۋىستارىنىڭ رۇقساتىنسىز جۇزەگە اسىرىلعان» ، - دەيدى نۇر- سۇلتان قالاسى پروكۋرورىنىڭ ورىنباسارى ەلدوس قيلىمجانوۆ.

ول بولعان جاعدايعا توقتالىپ ءوتتى.

«اعادىلدى اقمولا وبلىسىنىڭ پوليتسيا قىزمەتكەرلەرىنىڭ تۇتقىنداۋى سوت سانكتسياسى نەگىزىندە جۇزەگە اسىرىلعان. بەلگىلەنگەن ءتارتىپ بويىنشا، دۋلات اعادىلدى تالاپكەر اۋىلىنىڭ ەمحاناسىنداعى جانە تەرگەۋ يزولياتورىنداعى مەديتسينالىق قىزمەتكەرلەر قاراعان. كۇش قولدانعاندىعىن بىلدرەتىن دەنە جاراقاتتارى بولماعان. قىلمىستىق ءىستى تەرگەۋ اياسىندا سوت- مەديتسينالىق ساراپتاما تاعايىندالدى. قايتىس بولعان ادامنىڭ وتباسىنا ادۆوكات ۇسىنىلدى جانە سوت- مەديتسينالىق ساراپتاما سالاسىندا ەكى مامان جۇمىسقا تارتىلدى. ولار مەملەكەتتىك سوت ساراپتامالىق قىزمەتتىڭ مۇشەلەرى ەمەس» ، - دەيدى ول.

سونداي- اق، پروكۋرور ورىنباسارى ءمايىتتى تەكسەرۋ جۇمىستارى قالاي جۇرگىزىلگەنىن ايتتى.

«كەلەسى كۇنى ءمايىتتى تەكسەرۋ ءاعادىلدىڭ اعاسىنىڭ، ادۆوكاتتىڭ جانە ەكى مەديتسينالىق مامان - ارمان احانبەتوۆ پەن رۋسلان ساتىبالديەۆتىڭ قاتىسۋىمەن ءوتتى. ءمايىتتى تەكسەرۋ قورىتىندىسى بويىنشا، اعادىلدىڭ اعاسى مەن ادۆوكات ازانوۆتىڭ ەشقانداي شاعىمى بولعان جوق. ءمايىتتى سويۋ جانە زەرتتەۋ بارىسى ۆيدەوعا تۇسىرىلگەن، ونى ەتيكالىق سەبەپتەرگە جانە تۋىسقاندارى رۇقسات ەتپەگەنىنە بايلانىستى جاريالاي المايمىز. الدىن الا بولجانعان قورىتىندىنى بۇعان دەيىن ايتقانبىز: اعادىلدىڭ ولىمىنە جۇرەك- قان تامىرى اۋرۋى سەبەپ بولعان. سوت ساراپتاماسىنىڭ تۇپكىلىكتى قورىتىندىسى جاقىن ارادا لابوراتوريالىق زەرتتەۋدەن كەيىن بەلگىلى بولادى» ، - دەدى ول.

ەلدوس قيلىمجانوۆتىڭ ايتۋىنشا، 26 - اقپاندا بارلىق جاعدايدى تەرگەۋدىڭ وبەكتيۆتىلىگىن قامتاماسىز ەتۋ ءۇشىن قىلمىستىق ءىس نۇر- سۇلتان قالاسى پروكۋراتۋراسىنىڭ ارنايى پروكۋرورلار باسقارماسىنىڭ وندىرىسىنە قابىلداندى. قازىر بارلىق قاجەتتى تەرگەۋ امالدارى ءجۇرىپ جاتىر.

ەسكە سالا كەتسەك، 25 - اقپاندا قوعام بەلسەندىسى دۋلات اعادىل نۇر- سۇلتان قالاسىنداعى تەرگەۋ يزولياتورىندا كوز جۇمدى.

قالالىق پوليتسيا دەپارتامەنتى دۋلات اعادىلدىڭ ولىمىنە قاتىستى سوتقا دەيىنگى تەرگەۋ امالدارىن باستاعان.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات