+7 (701) 759 90 19
-5 °С : نۇر-سۇلتان
4 °С : الماتى
USD 435.54 EUR 473.08
RUB 5.76 CNY 61.64
جاڭالىقتار

الماتى وبلىسىندا اراقتاردى قولدان جاسايتىن سەح تابىلدى

28 اقپان 16:29
:ءبولىسۋ
الماتى وبلىسىندا اراقتاردى قولدان جاسايتىن سەح تابىلدى

تالدىقورعان. قازاقپارات - الماتى وبلىسىندا ءتۇرلى برەندكە اينالعان ىشىمدىك تۇرلەرىن قولدان جاساعان سەح تابىلدى. ارنايى ورگاننىڭ بەرگەن بەينەجازباسىندا ىشىمدىكتىڭ قالاي جاسالاتىنىن دا كورۋگە بولادى، دەپ حابارلايدى قازاقپارات ءتىلشىسى.

ۆيدەودا بەس ليترلىك كىر پوليەتيلەن بوتەلكەسىنەن بىرنەشە تۇتىكشە ارقىلى «زەرنو» ماركالى قۇمىرانىڭ بوتەلكەسىنە بەلگىسىز زاتتىڭ قۇيىلىپ جاتقانىن كورۋگە بولادى.

الماتى وبلىسى بويىنشا ەكونوميكالىق تەرگەۋ دەپارتامەنتىنىڭ قىزمەتكەرلەرى جۇرگىزگەن تەكسەرۋ بارىسىندا جاسىرىن سەحتان 115 دانا اكسيزدىك ماركا تابىلعان. ياعني، اراقتى قولدان جاسايتىندار ارنايى ماركانى بوتەلكەگە جابىستىرىپ، تۋرا ءتۇپنۇسقاداعىداي ەتىپ دايىنداعان.

«الكوگول ءونىمىنىڭ 30 دان استام تانىمال ماركالارى (» بەلەنكايا»، «ۆوزدۋح»، «زەرنو»، «ايدابولسكايا» جانە ت. ب. ) جالعا الىنعان ءۇي- جايدا، لاس جاعدايداعى جاسىرىن سەحتا دايىندالعان. ول اراقتار الماتى وبلىسى مەن الماتى قالاسىنىڭ كوتەرمە ساۋدا بازارلارىندا زاۋىتتىق ءونىم تۇرىندە ساتىلعان. سەحتى تەكسەرۋ ناتيجەسىندە 115 دانا جاساندى اكسيزدىك ماركالار، 460 بوتەلكە جاساندى اراق، 300 ليتر سپيرت جانە 65 ليتر دايىن الكوگول ءونىمى تابىلدى» ، - دەدى الماتى وبلىسى بويىنشا ەكونوميكالىق تەرگەۋ دەپارتامەنتىنىڭ اعا تەرگەۋشىسى الىبەك ءىزباساروۆ.

سونداي- اق، قولدان جاسالعان الكوگول ونىمدەرىن دايىنداۋعا جانە قۇيۋعا ارنالعان زاتتار تاركىلەندى.

«بۇل فاكتىگە سايكەس الماتى وبلىسى بويىنشا ەكونوميكالىق تەرگەۋ دەپارتامەنتىمەن ق ر قىلمىستىق كودەكسىنىڭ 233-بابى 2- ءبولىمى بويىنشا قىلمىستىق ءىس (كورىنەۋ جالعان اكسيزدىك تاڭبالاردى جانە (نەمەسە) ەسەپكە الۋ- باقىلاۋ تاڭبالارىن وتكىزۋ ماقساتىندا دايىنداۋ نەمەسە ساتىپ الۋ، سونداي- اق پايدالانۋ نەمەسە وتكىزۋ) تىركەلدى. قازىرگى ۋاقىتتا سوتقا دەيىنگى تەرگەۋ جۇرگىزىلۋدە» ، - دەپ تولىقتىردى اتالعان ۆەدومستۆونىڭ باسپا ءسوز قىزمەتىنەن.

ايتا كەتەيىك، ءتۇرلى ىشىمدىك تۇرلەرىن دايىنداۋمەن اينالىسقان جاسىرىن سەح قاراساي اۋدانىنان تابىلدى.



باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات