جاڭا فورماتتاعى ناۋرىز مەيرامىن اتاپ وتەمىز - يۋليا لاگۋتكينا
بۇل تۋرالى ورتالىق كوممۋنيكاتسيالار قىزمەتىندە وتكەن «ناۋرىز مەيرامىن مەرەكەلەۋدىڭ جاڭا تاسىلدەرى» تاقىرىبىنداعى بريفينگتە ايتىلدى، دەپ حابارلايدى قازاقپارات ءتىلشىسى.
«قازاقستان رەسپۋبليكاسى - ءبىزدىڭ ورتاق ءۇيىمىز. ءبىز ءبارىمىز بىرلىكتە، تاتۋ- ءتاتتى ءومىر ءسۇرىپ جاتىرمىز جانە ەتنوسارالىق تۇتاستىقتى ساقتاۋعا تىرىسامىز. ءبىزدىڭ قايماعى بۇزىلماعان تابيعاتىمىز، سالت- ءداستۇرىمىز، مەملەكەتتىك ءتىلىمىز بەن مادەنيەتىمىز قازاق جەرىندە تۇراتىن بارلىق ۇلت وكىلدەرىن بىرىكتىرەدى» ، - دەيدى نۇر- سۇلتان قالاسى «وبەرەگ» ۋكرايندار قوعامى» قوعامدىق بىرلەستىگىنىڭ مۇشەسى يۋليا لاگۋتكينا.
ول جاڭا فورماتتا ۇسىنىلعان ناۋرىز مەيرامىن اتاپ وتەتىنىن ايتتى.
«ناۋرىز مەيرامى - قازاق حالقىنىڭ عانا ەمەس، ورتا ازيا حالىقتارىنىڭ ۇلى مەرەكەسى. مەن ءوزىم ورىس حالقى قونىستانعان اۋىلدا ءوستىم. جىل سايىن وسى مەرەكەنى كورشىلەرىمىزبەن بىرگە اتاپ ءوتىپ، ناۋرىز كوجە ىشۋگە باراتىنبىز. باستىسى، بۇل - ۇلتتىق قۇندىلىقتارىمىز بەن سالت- داستۇرلەرىمىزدى ساقتاۋعا باعىتتالعان مەيرام» ، - دەيدى ول.