استانادا «وتانداستار» سيفرلى كىتاپحاناسى اشىلدى
رۋحاني وردانىڭ اشىلۋى «وتانداستار قورى» مەن دۇنيەجۇزى قازاقتارى قاۋىمداستىعى جانە ق ر ۇلتتىق اكادەميالىق كىتاپحاناسىنىڭ باستاماسىمەن جۇزەگە استى.
زالدىڭ اشىلۋ سالتاناتىنا كورنەكتى مەملەكەت جانە قوعام قايراتكەرى مىرزاتاي جولداسبەكوۆ، «وتانداستار قورىنىڭ» ۆيتسە-پرەزيدەنتى ماعاۋيا سارباسوۆ، بەلگىلى قالامگەر سۇلتان ورازالين، تۇركىتانۋشى عالىم قارجاۋباي سارتقوجا ۇلى جانە قانداستارىمىز بەن زيالى قاۋىم وكىلدەرى قاتىستى.
سونىمەن قاتار، سالتاناتتى ءىس-شارا بارىسىندا «قازاق الەمى» - «مير كازاحوۆ» كىتابىنىڭ ەلەكتروندىق نۇسقاسى جۇرتشىلىققا العاش تانىستىرىلدى.
«ۇلتتىق اكادەميالىق كىتاپحانا اياسىندا «وتانداستار» سيفرلى كىتاپحاناسى قۇرىلدى. وندا وقىرمانعا قازاق دياسپوراسى تۋرالى شەتەل ادەبيەتى مەن وتانداستارىمىزدىڭ شىعارمالارى ۇسىنىلعان. قازىرگى تاڭدا كىتاپحانا قورى 2 مىڭ كىتاپتان استى. بارلىق ادەبيەت «قازاقستان ۇلتتىق ەلەكتروندى كىتاپحاناسىنىڭ» تەحنيكالىق پلاتفورماسىندا سيفرلاندى. بۇل ءبىزدىڭ وتانداستارىمىزعا الەمنىڭ كەز كەلگەن جەرىننەن قالاعان كىتابىن وقۋعا مۇمكىندىك بەرەدى»، دەلىنگەن حابارلامادا.
ءىس-شارا بارىسىندا قوناقتار ءوزارا تاجىريبە الماسىپ، اشىق پىكىر الماستى.
