قازاقستاندىق جاس ءانشى قىز ا ق ش- تا كونسەرتىن وتكىزەدى
بۇل تۋرالى ءانشىنىڭ PR- ديرەكتورى تاتيانا سينەنكو مالىمدەدى، دەپ حابارلايدى قازاقپارات ءتىلشىسى.
«كونسەرت كامەرالىق زالدا وتەدى. مەن، ارينە، قوبالجىپ تۇرمىن. كورەرمەنگە تانىمال كاۆەر اندەردى ورىندايمىن. اۆتورلىق اندەر دە بار. بيللي ايليشتىڭ رەپەرۋارىنان بىرنەشە ءان بولادى»، - دەدى ءانشى.
جاس ونەرپاز قازاقستاندا ۇلكەن كونسەرت وتكىزۋدى ارمانداپ جۇرگەنىن ايتادى.
«مىندەتتى تۇردە تەك ءوزىمنىڭ ءانىمدى عانا ورىندايمىن. ەرەكشە بولادى دەپ سەندىرەمىن»، - دەيدى ول.
ءانشىنىڭ فان توپتارى كونسەرت بيلەتتەرىنىڭ سۋرەتىمەن ءبولىسىپ جاتىر. وعان گەرمانيا، كانادا، پولشا ەلىنەن فاناتتار كەلەدى.
مەنەدجەردىڭ ايتۋىنشا، كونسەرتتى ۇيىمداستىرۋعا «Cypress Creek FACE» ءبىلىم قورى مۇرىندىق بولىپ وتىر. بۇل قور الەمدەگى شىعارماشىلىقپەن اينالىساتىن تالانتتى جاستاردى ا ق ش ساحناسىنا شىعارۋمەن اينالىسادى.